વિરાટ કોહલીએ મારી બાજી, રોહિત શર્માને પાછળ છોડ્યા; વિશ્વના માત્ર 3 ખેલાડીઓના નામે આ રેકોર્ડ

Rohit Sharma:  T20 વર્લ્ડ કપ 2024માં ટીમ ઈન્ડિયાના સ્ટાર બેટ્સમેન રોહિત શર્મા અને વિરાટ કોહલીની વચ્ચે એક રેસ ચાલી રહી છે. આ રેસમાં ક્યારેક રોહિત શર્મા વિરાટ કોહલીથી આગળ નીકળી જાય છે તો ક્યારેક વિરાટ કોહલી તેમને પાછળ છોડી દે છે. આ રેસમાં વિરાટ કોહલી હાલ આગળ ચાલી રહ્યા છે. જોકે, રોહિત શર્મા પણ તેમનાથી વધારે પાછળ નથી.

બાબર આઝમ આ રેસમાં સૌથી આગળ

આ ફોર્મેટમાં માત્ર 3 ખેલાડીઓએ જ 4000થી વધુ રન બનાવ્યા છે. આ લિસ્ટમાં બાબર આઝમ, રોહિત શર્મા અને વિરાટ કોહલી છે. બાબર આઝમ T20 ઈન્ટરનેશનલ ક્રિકેટમાં સૌથી વધુ રન બનાવનાર બેટ્સમેન છે. બાબર આઝમના T20માં 4145 રન છે.

રોહિત શર્માને છોડ્યા પાછળ

અફઘાનિસ્તાન સામેની મેચમાં રોહિત શર્મા અને વિરાટ કોહલી બરાબરી પર ઉભા છે. આ મેચમાં રોહિત શર્મા અને વિરાટ કોહલી બંને જ ફ્લોપ રહ્યા હતા. પરંતુ વિરાટ કોહલીએ રોહિત શર્માને પાછળ છોડી દીધા. વિરાટ કોહલીએ હવે ટી20 ઈન્ટરનેશનલમાં અત્યાર સુધીમાં 121 મેચ રમીને 4066 રન બનાવ્યા છે. રોહિત શર્માના નામે હવે 155 મેચોમાં 4050 રન થઈ ગયા છે. જોકે, એક મોટી ઈનિંગ્સ રમીને રોહિત શર્મા વિરાટ કોહલીને પાછળ છોડી શકે છે.

અફઘાનિસ્તાન સામે ઠીક-ઠીક પ્રદર્શન

રોહિત શર્મા અને વિરાટ કોહલી અફઘાનિસ્તાન સામે કંઈ ખાસ કરી શક્યા ન હતા. આ દરમિયાન રોહિત શર્મા 8 રન બનાવીને આઉટ થઈ ગયા. જ્યારે વિરાટ કોહલીએ 24 બોલમાં 24 રન બનાવ્યા હતા. આવી સ્થિતિમાં બાંગ્લાદેશ સામે કોણ કોને પાછળ છોડે છે તે જોવું રસપ્રદ રહેશે.