VIDEO: ટીમ ઈન્ડિયા વંદે માતરમ ગાઈ રહી હતી ને અચાનક હાર્દિક પંડ્યાના હાથમાં આવી ઉડતી ટી-શર્ટ, પછી...

T20 World Cup 2024: ગુરુવારે રાત્રે મુંબઈના વાનખેડે સ્ટેડિયમમાં T20 વર્લ્ડ કપની જીતની ઉજવણી કરતી વખતે ટીમ ઈન્ડિયાના ઓલરાઉન્ડર હાર્દિક પંડ્યા સાથે જોરદાર કોમેડી થઈ. હાર્દિક પંડ્યા ટીમ ઈન્ડિયાના બાકીના ખેલાડીઓ સાથે વાનખેડે સ્ટેડિયમમાં ફરી રહ્યો હતો અને ફેન્સનો આભાર માની રહ્યો હતો. આ દરમિયાન હવામાં ઉડતું ટી-શર્ટ હાર્દિક પંડ્યા પાસે આવ્યું અને તેણે તેને પકડી લીધું. આ ઘટના બાદ હાર્દિક પંડ્યાની પાછળ ઉભેલા જસપ્રીત બુમરાહ પણ હસવાનું રોકી શક્યો નહીં.

હાર્દિક પંડ્યાએ ફેનનું ટી-શર્ટ પકડ્યું

ગુરુવારે, T20 વર્લ્ડ કપ વિજેતા ટીમ ઇન્ડિયાને આવકારવા માટે વિજય પરેડમાં મોટી ભીડ એકઠી થઈ હતી, કારણ કે હજારો ક્રિકેટ ફેન્સ તેમના મનપસંદ ક્રિકેટરોની એક ઝલક મેળવવા માટે ઉત્સુક હતા. મરીન ડ્રાઈવ બાદ વર્લ્ડ ચેમ્પિયન ટીમ ઈન્ડિયાના ખેલાડીઓ મુંબઈના વાનખેડે સ્ટેડિયમ આવ્યા હતા. ભારતીય ક્રિકેટરોએ મેદાનમાં ચક્કર લગાવી રહ્યા હતા અને ક્રિકેટ ફેન્સનો સમર્થન માટે આભાર માની રહ્યા હતા. આ દરમિયાન હાર્દિક પંડ્યાએ એક ઉડતી ટી-શર્ટ પકડી અને પછી તેને ફેંકી દીધી. આ સીન જોઈને જસપ્રીત બુમરાહ પણ ખડખડાટ હસવા લાગ્યો. આખી ઘટના વીડિયોમાં કેદ થઈ ગઈ હતી.

મુંબઈમાં જોરદાર ઉજવણી કરવામાં આવી

તમને જણાવી દઈએ કે વિજય પરેડ નરીમાન પોઈન્ટ સ્થિત નેશનલ સેન્ટર ફોર પરફોર્મિંગ આર્ટસ (NCPA)થી સાંજે 5 વાગ્યે શરૂ થવાનું હતું અને સાંજે 7 વાગ્યે વાનખેડે સ્ટેડિયમમાં સમાપ્ત થવાનું હતું, પરંતુ રોહિત શર્માની આગેવાની હેઠળની ટીમ નવી દિલ્હીથી અહીં મોડી પહોંચી, જેના કારણે સાંજે 7 વાગ્યા સુધી પરેડ 30 મિનિટ પછી જ શરૂ થઈ શકી હતી. આ અંતર સામાન્ય રીતે પાંચ મિનિટમાં કાપવામાં આવે છે, પરંતુ તે એક કલાક કરતાં વધુ સમય લાગ્યો હતો. રોહિત શર્મા 2007માં મહેન્દ્ર સિંહ ધોનીની ટીમનો સૌથી યુવા સભ્ય હતો અને હવે 37 વર્ષની ઉંમરે, તેની T20 વર્લ્ડ ચેમ્પિયન ભારતીય ક્રિકેટ ટીમને 'વિક્ટરી પરેડ'માં લીડ કરી.

ટીમ ઈન્ડિયાએ T20 વર્લ્ડ કપ જીત્યો

ટીમ ઈન્ડિયાએ 17 વર્ષની રાહનો અંત કરીને બીજી વખત T20 વર્લ્ડ કપનો ખિતાબ જીત્યો છે. આ પહેલા ભારતે છેલ્લે મહેન્દ્ર સિંહ ધોનીની કપ્તાનીમાં 2007 T20 વર્લ્ડ કપનો પહેલો ખિતાબ જીત્યો હતો. 13 વર્ષની રાહ જોયા બાદ, ભારતે ODI અથવા T20I ફોર્મેટમાં વર્લ્ડ કપ ટ્રોફી જીતી છે. છેલ્લી વખત ભારતે 2011માં ODI વર્લ્ડ કપ ટ્રોફી જીતી હતી. ભારતીય ટીમે T20 વર્લ્ડ કપ 2024ની ટ્રોફી જીતીને એક શાનદાર રેકોર્ડ બનાવ્યો છે. ભારત ODI અને T20 ફોર્મેટને જોડીને 4 વર્લ્ડ કપ ટ્રોફી જીતવામાં સફળ રહ્યું છે.