Mehsana અર્બન કો-ઓપરેટિવ બેંકમાં નીકળી ભરતી, એક ક્લિકે જાણો અરજીથી પગાર સુધીની તમામ માહિતી

Mehsana Urban Bank Job Recruitment: બેંકમાં સરકારી નોકરીનું સપનું જોતા યુવાઓ માટે સારી ખબર સામે આવી છે. મહેસાણા અર્બન કોઓપરેટિવ બેંક લિમિટેડ દ્વારા ક્લેરિકલ ટ્રેઈનીની કુલ 50 પોસ્ટ પર ભરતી બહાર પાડવામાં આવી છે. આ ભરતી માટે રસ દાખવતા ઉમેદવારો 31 જુલાઈ 2024 સુધીમાં www.mucbank.com માં ઓનલાઈન અરજી કરવાની રહેશે.

કેવી રીતે અને ક્યાંથી કરવી અરજી

મહેસાણા અર્બન કો-ઓપરેટિવ બેંકમાં ભરતી માટે ઉમેદવારે તેની વેબસાઈટ www.mucbank.com પર જઈને ઓનલાઈન અરજી કરવાની રહેશે. આ બાદ  ઓનલાઈન કરેલી અરજી ડાઉનલોડ કરીને તેની પ્રીન્ટ કોપી સાથે રૂ.100નો બેંક (ધી મહેસાણા અર્બન કો-ઓપ.બેંક લિ.)ના નામનો નોન રીફંડેબલ ડીમાન્ડ ડ્રાફ્ટ, લાયકાતના પ્રમાણપત્રોની ટ્રુ કોપી, એલ.સીની કોપી તેમજ પાસપોર્ટ સાઈઝના 2 ફોટો સાથે રજીસ્ટર પોસ્ટ કે કુરિયર દ્વારા બેંકની હેડ ઓફિસ: અર્બન કોર્પોરેટ બિલ્ડિંગ, હાઈવે, મહેસાણા-384002 પર મોકલવાનો રહેશે. જે ઉમેદવારે છેલ્લા સેમેસ્ટરની પરીક્ષા આપી હોય અને રીઝલ્ટ આવવાનું બાકી હોય તે પણ અરજી કરી શકશે. જોકે પર્સનલ ઈન્ટરવ્યૂ સમયે માત્ર પોસ્ટ ગ્રેજ્યુએશન ઉમેદવારો જ લાયક ગણાશે.

કેટલી જગ્યાઓ પર થશે ભરતી?

• ક્લેરીકલ પોસ્ટની 50 જગ્યાઓ

શૈક્ષણિક લાયકાત અને વયમર્યાદા

1. M.Com, MSc. (Science), MCA, MBA (ગ્રેજ્યુએશન અથવા પોસ્ટ ગ્રેજ્યુએશન બંને પૈકી એકમાં ઓછામાં ઓછા 55% માર્ક્સ હોવા જરૂરી)
2. Msc. (Science), MCA, MBAના ડાયરેક્ટ કોર્ષમાં ઓછામાં ઓછા 55% માર્ક્સ જરૂરી
3. અરજી કરનારની ઉંમર 1-07-2024ના રોજ 21 વર્ષથી વધુ અને 30 વર્ષથી ઓછી હોવી જોઈએ.

પરીક્ષા પદ્ધતિ અને પગાર ધોરણ 

• મહેસાણા અર્બન કો-ઓપરેટિવ બેંકની પરીક્ષા IBPS મુંબઈ દ્વારા ઓનલાઈન લેવામાં આવશે. ત્યારબાદ ક્વોલિફાઈડ ઉમેદવારોનું મૌખિક ઈન્ટરવ્યૂથી સિલેક્શન કરવામાં આવશે.
• પસંદગી પામેલા ઉમેદવારને પ્રથમ વર્ષે માસિક ફિક્સ 19000 અને બીજા વર્ષે 20,000 રૂપિયા આપવામાં આવશે. આ બાદ ક્લેરિકલ સ્કેલ મુજબ પગાર ચૂકવવામાં આવશે. (અંદાજે રૂ.29,100)