ખેડૂતો માટે આજથી i-Khedut પોર્ટલ ખુલ્યું, સરકારી યોજનાની સહાય માટે ફટાફટ આ રીતે કરો અરજી

Gujarat Farmers News: ગુજરાત સરકારનું કૃષિ વિભાગ ખેડૂતોના હિતમાં અનેકવિધ સહાયલક્ષી યોજનાઓ ચલાવે છે. આ યોજનાઓનો ખેડૂતો ઓનલાઈન અરજી કરીને ઘરે બેઠા લાભ મેળવી શકે તે માટે સરકારે i-Khedut પોર્ટલ વિકસાવ્યું છે. ગુજરાત સરકારના કૃષિ વિભાગ દ્વારા ખેડૂતો માટેનું i-Khedut પોર્ટલ આજથી એટલે કે 18મી જૂનથી સાત દિવસ માટે ખુલ્લું મૂકવામાં આવ્યું છે. પોર્ટલ પરથી ખેડૂતો સ્માર્ટફોન, પાક સંગ્રહ સ્ટ્રક્ચર, પાણીના ટાંકાના બાંધકામ સહિતના કામો માયે વિવિધ સહાય યોજના માટે ઓનલાઈન અરજી કરી શકશે. 

i-Khedut પોર્ટલ પર કઈ કઈ માહિતી મળશે

1. વિવિધ કલ્યાણકારી યોજનાઓની માહિતી
2. યોજનાકીય લાભો માટે ઓનલાઈન અરજી
3. લાભાર્થીઓની યાદી
4. ડિલર પાસે ઉપલબ્ધ કૃષિ વિષયક સાધન સામગ્રીની વિગતો
5. કૃષિ ધિરાણ આપનાર બેંક/સંસ્થાની માહિતી
6. અદ્યતન કૃષિ અને સંલ્ગન વિષયક તાંત્રિક માહિતી
7. કૃષિ પેદાશોના વિવિધ એ.પી.એમ,સીના બજાર ભાવ
8. ખેતીમાં મૂંઝવતા પ્રશ્નોનું નિરાકરણ
9. ખેતીની જમીન ખાતાની વિગતો
10. હવામાનની માહિતી

અરજી કરવા માટે કયા-કયા પુરાવાની જરૂર પડશે?

સરકારની વિવિધ યોજનાઓનો લાભ લેવા માટે ખેડૂતોએ આઈ-ખેડૂત પોર્ટલ પર ઓનલાઈન અરજી કરવાની રહેશે. આ અરજી માટે ખેડૂતોએ 7/12, 8અ ઉતારા, બેંક પાસબુક અને આધારકાર્ડ પુરાવા તરીકે આપવાનું રહેશે.