'NEET...NEET...NEET', શિક્ષણ મંત્રી શપથ લેવા પહોંચતા જ વિપક્ષે સંસદમાં કર્યો હોબાળો

Parliament Session 2024: 18મી લોકસભાના પ્રથમ સત્રનો આજે પ્રથમ દિવસ છે. પ્રોટેમ સ્પીકરના શપથ બાદ ગૃહની કાર્યવાહી સવારે 10.30 વાગ્યે શરૂ થઈ. સૌથી પહેલા સાંસદોની શપથવિધિ શરૂ થઈ. PM મોદીએ સૌપ્રથમ ગૃહના નેતા તરીકે શપથ લીધા હતા. આ પછી રાજનાથ સિંહ, અમિત શાહ અને અન્ય કેન્દ્રીય મંત્રીઓ એક પછી એક શપથ લેવા આવ્યા. કેન્દ્રીય શિક્ષણ મંત્રી ધર્મેન્દ્ર પ્રધાન શપથ લેવા પહોંચ્યા ત્યારે વિપક્ષે NEET, NEET, NEET અને શેમ શેમશેમના નારા લાગ્યા હતા. વિપક્ષના તમામ સાંસદોએ તેનો જોરદાર વિરોધ કર્યો હતો.