'હું ધારાસભ્યનો છોકરો છું, તું ગમે એને કઈ દે જા...', યુવકે કંડક્ટરનો કોલર પકડીને રોફ જમાવ્યો!

સિટી બસ, બીઆરટીએસ કે ST બસમાં ડ્રાઈવર-કંડક્ટરો અને લોકો વચ્ચે માથાકૂટની ઘટનાઓ બનતી હોય છે. ત્યારે હવે સુરતમાં બીઆરટીએસ બસનો એક વીડિયો સોશિયલ મીડિયા પર વાયરલ થયો છે. જેમાં સિટી બસના કંડક્ટરનો કોલર પકડીને એક મુસાફરે ઉગ્ર બોલચાલી કરી હતી. તેણે કંડક્ટરનો કોલર પકડી પોતે ધારાસભ્યનો પુત્ર હોવાનો દમ માર્યો હતો. એટલું જ નહીં, પોતાની એક બેગમાં રૂપિયાના બંડલ દેખાડી રોફ જમાવ્યો હતો. આ ઘટનાનો કંડક્ટરે વીડિયો બનાવ્યો હતો. જે હાલ સોશિયલ મીડિયા પર વાયરલ થયો છે. જોકે 'ગુજરાત તક' આ વીડિયોની પુષ્ટિ નથી કરતું.