નવી દિલ્હી: IT મંત્રાલયે ગુરુવારે ઓનલાઈન ગેમિંગને લગતા નવા નિયમો જારી કરીને સટ્ટાબાજી અને સટ્ટાબાજીથી સંબંધિત કોઈપણ ગેમ્સ પર પ્રતિબંધ મૂક્યો છે. આ સાથે જ મંત્રી રાજીવ ચંદ્રશેખરે સ્વ-નિયમનકારી સંસ્થાઓ (SROs)ની સ્થાપના કરી છે જેનો એક ડ્રાફ્ટ પણ બહાર પાડવામાં આવ્યો હતો.
ADVERTISEMENT
ગેમિંગ પ્રવૃત્તિ પર નજર રાખવા SRO બનાવાશે
ચંદ્રશેખરે અહીં પત્રકારોને જણાવ્યું હતું કે, ઓનલાઈન ગેમિંગ પ્રવૃત્તિઓ સાથે કામ કરતા ઘણા SRO બનાવવામાં આવશે જેમાં તમામ હિતધારકોના પ્રતિનિધિઓનો સમાવેશ થશે. જો કે, તે માત્ર ઉદ્યોગના પ્રતિનિધિઓ જ નહીં હોય. તેમણે કહ્યું, “અમે એક માળખું ગોઠવી રહ્યા છીએ જે નક્કી કરશે કે SRO દ્વારા કઈ ઓનલાઈન ગેમ્સને મંજૂરી આપી શકાય. SRO પણ બહુવિધ સંખ્યામાં હશે.”
પૈસા લેતી ગેમ્સે KYCના ધોરણોનું પાલન કરવું પડશે
ઓનલાઈન ગેમ્સને મંજૂરી આપવાનો નિર્ણય એ ધ્યાનમાં રાખીને લેવામાં આવશે કે આ ગેમમાં કોઈપણ રીતે સટ્ટાબાજી કે સટ્ટાબાજીનો સમાવેશ થતો નથી. જો SROના ધ્યાનમાં આવશે કે ઓનલાઇન ગેમ પર સટ્ટો રમાડવામાં આવે છે, તો તે તેને મંજૂર કરશે નહીં. ઈન્ટરનેટ પર ઓનલાઈન ઉપલબ્ધ હોય તેવી ગેમ્સ માટે SRO પાસેથી અનુમતિપત્ર મેળવવું પડશે. જે ગેમ્સ પૈસા લેતી હોય તેણે KYCના ધોરણોનું પાલન કરવું પડશે. આ નિયમો સટ્ટો કે પૈસા સાથે સંકળાયેલી ગેમ્સ માટે બનાવવામાં આવ્યા છે.
ADVERTISEMENT
![follow whatsapp](/assets/icons/followWhatsApp.png)