Liquor Permit Gujarat: ગાંધીનું આ ગુજરાત કહેવા તો 'ડ્રાય સ્ટેટ' છે પરંતુ અહીં 39 હજાર 888 લોકો પાસે દારૂની પરમીટ હોવાનું સામે આવ્યું છે.વિધાનસભામાં કોંગ્રેસના ધારાસભ્ય દિનેશ ઠાકોરે પુછેલા પ્રશ્નના જવાબમાં સરકારે આ ખુલાસો કર્યો છે. ઉપરાંત વિદેશી દારૂના પરમીટવાળા પેકથી રાજ્ય સરકારને છેલ્લા ત્રણ વર્ષમાં રૂ. 200 કરોડની આવક થયાનો પણ ખુલાસો થયો છે.
ADVERTISEMENT
દારૂના પરવાનાથી સરકારને કરોડોની આવક
સરકાર દ્વારા આપવામાં આવેલ આ જવાબમાં જાણવા મળ્યું કે 30 હજાર 112 લોકોની દારૂની પરમીટ રીન્યૂ કરવામાં આવી છે. દારૂના પરવાનાથી સરકારને કરોડોની આવક થવા પામી છે. 3 વર્ષમાં દારૂના નવા પરવાના હેઠળ 8.75 કરોડ રૂપિયાની આવક સરકારને થઈ છે. રીન્યૂ પરવાના હેઠળ 29.80 કરોડની આવક થઈ છે. આમ દારૂનો પરવાનો આપીને જ સરકારને છેલ્લા ત્રણ વર્ષમાં 38.56 કરોડનો વકરો થયો છે.
દારૂના વેચાણ થકી રાજ્ય સરકારને રૂ. 200 કરોડની આવક
છેલ્લા 3 વર્ષમાં દારૂના વેચાણ થકી રાજ્ય સરકારને રૂ. 200 કરોડની આવક થઈ છે. જેમાં 2020-21માં દારૂના વેચાણ થકી 51.84 કરોડ અને 2022-23માં 78.14 કરોડ રૂપિયાની આવક દારૂના વેચાણ થકી થઈ છે. જ્યારે છેલ્લા 3 વર્ષમાં દારૂના નવા પરવાના હેઠળ રાજ્ય સરકારને 8.75 કરોડ અને પરવાના રિન્યૂ કરવા બદલ 29.80 કરોડ રૂપિયાની આવક થઈ છે.
ADVERTISEMENT
![follow whatsapp](/assets/icons/followWhatsApp.png)