Hardik-Natasa એ કેમ લીધા ડિવોર્સ? નિકટના મિત્રએ જણાવ્યું સંબંધમાં તિરાડ પડવાનું કારણ

બંનેના છૂટાછેડાથી તેમના ચાહકોનું દિલ તૂટી ગયું છે. લોકો જાણવા માંગે છે કે ચાર વર્ષ સુધી સાથે રહેતું આ ક્યૂટ કપલ અચાનક કેમ અલગ થઈ ગયું. ભલે નતાશા અને હાર્દિકે તેમના છૂટાછેડા પાછળનું કારણ જાહેર કર્યું નથી, પરંતુ બંનેના નજીકના લોકોએ તેમના અલગ થવાના આંતરિક કારણની સંપૂર્ણ વિગતો જાહેર કરી છે.

નજીકના સ્ત્રોતનો ખુલાસો

ટાઈમ્સ નાઉના રિપોર્ટ અનુસાર, નતાશા સ્ટેનકોવિક અને હાર્દિક પંડ્યાના અલગ થવા પાછળનું કારણ કપલના નજીકના સૂત્ર દ્વારા બહાર આવ્યું છે. સૂત્રનો દાવો છે કે ક્રિકેટર ખૂબ જ લોકપ્રિય છે અને તેની લાઈફ શાનદાર રીતે જીવવાનું પસંદ કરે છે. કોઈક રીતે તેના શાહી શોખ નતાશા સ્ટેનકોવિકને ભારે પડવા લાગ્યા હતા. સૂત્રનું કહેવું છે કે તેમાં કોઈ શંકા નથી કે નતાશા એક મજબૂત અને સ્વતંત્ર મહિલા છે. અમુક સમયે, હાર્દિકની હાઈ એનર્જી લાઈફસ્ટાઈલ સાથે તાલમેલ બેસાડવું તેના માટે મુશ્કેલ બની રહ્યું હતું.

રિપોર્ટ્સ અનુસાર, સૂત્રનું કહેવું છે કે હાર્દિક પંડ્યાની લાઈફસ્ટાઈલ નતાશા માટે ખૂબ જ વધારે બનાવટી બની રહી હતી. તે પોતાનામાં મસ્ત રહેતો હતો અને નતાશા આ સહન કરી શકતી નહોતી. તેને અહેસાસ થયો કે હાર્દિકના વર્તનમાં થોડો ફેરફાર આવવાનો શરૂ થયો છે. નતાશાએ ઘણી વખત તેના પતિ હાર્દિક સાથે એડજસ્ટ થવાનો પ્રયાસ કર્યો પરંતુ તે અસહજ અનુભવવા લાગી. તે તેની સાથે તેની લાઈફસ્ટાઈલ સંભાળવા સક્ષમ ન હતી. આ જ કારણ છે કે તેણે કંટાળીને આ સંબંધમાંથી હટી જવાનો નિર્ણય કર્યો.

હાર્દિક સાથે સારું નહોતું ચાલતું

સૂત્રે વધુમાં કહ્યું કે નતાશા સ્ટેનકોવિચે ઘણી વખત વિચાર્યું અને વસ્તુઓને ઠીક કરવાનો પ્રયાસ કર્યો પરંતુ બધું તેવું ને તેવું જ રહ્યું. હાર્દિક પંડ્યાનું બદલાયેલું વલણ તેનાથી સહન ન થયું અને અંતે તેઓએ અલગ થવાનો નિર્ણય લીધો. સૂત્રના જણાવ્યા અનુસાર, હાર્દિકને લાઈમલાઈટમાં રહેવું ગમે છે, જ્યારે નતાશા તેની વસ્તુઓને અંગત રાખવામાં માને છે. આ વિચાર તેમના તાલમેલમાં અવરોધરૂપ બન્યો અને તેનું પરિણામ આજે સૌની સામે છે.

નોંધનીય છે કે નતાશા સ્ટેનકોવિચે પોતાની પોસ્ટમાં કહ્યું હતું કે ચાર વર્ષ સુધી સાથે રહ્યા બાદ તેણે અને હાર્દિક પંડ્યાએ પરસ્પર સહમતિથી અલગ થવાનો નિર્ણય કર્યો છે. અભિનેત્રીએ લખ્યું હતું કે, 'અમે બધું બદલવાનો પૂરો પ્રયાસ કર્યો પરંતુ અમને લાગે છે કે હવે અલગ થવું અમારા હિતમાં છે. આ એક મુશ્કેલ નિર્ણય હતો.' તમને જણાવી દઈએ કે નતાશા હાલમાં તેના પુત્ર અગસ્ત્ય સાથે સર્બિયામાં છે.