ગુજરાતમાં ફરીવાર મેઘો મુશળધાર: લુણાવાડામાં દે..ધનાધન વરસાદ, અમદાવાદમાં પણ જામ્યો વરસાદી માહોલ

Gujarat Rain Update: ગુજરાતમાં ફરી મેઘરાજા એક્ટિવ થયા છે. હવામાન વિભાગ દ્વારા ગુજરાતના વિવિધ વિસ્તારોમાં હળવાથી ભારે વરસાદની આગાહી કરવામાં આવી છે. ત્યારે ગઈકાલ રાતથી મેઘરાજા રાજ્યના મોટાભાગના વિસ્તારોમાં ધડબડાટી બોલાવી રહ્યા છે. તો આજે વહેલી સવારથી અમદાવાદ, ખેડા, લુણાવાડા સહિત રાજ્યના મોટાભાગના વિસ્તારોમાં વરસાદ વરસી રહ્યો છે. મહીસાગર જિલ્લાના લુણાવાડામાં સવારના 4 વાગ્યાથી સવારના 8 વાગ્યા સુધીમાં લગભગ સાડા પાંચ ઈંચ જેટલો વરસાદ પડ્યો છે. જેના કારણે શહેરના રસ્તાઓ પાણી-પાણી થઈ ગયા છે, રસ્તાઓ પર નદી વહેતી હોય તેવા દ્રશ્યો સર્જાયા છે. લોકોની દુકાનો-ઘરોમાં પણ વરસાદી પાણી ઘુસી ગયા છે.