Ravindra Jadeja સાથે પિતાએ તોડ્યા સંબંધ, રિવાબા પર લગાવ્યા ગંભીર આરોપ
ટીમ ઈન્ડિયાના સ્ટાર ક્રિકેટર રવિન્દ્ર જાડેજા પર તેના પિતા અનિરુદ્ધ સિંહ જાડેજાએ ઘણા ગંભીર આરોપ લગાવ્યા છે.
તેમણે કહ્યું- હવે તેની સાથે કોઈ સંબંધ નથી રહ્યો. તેને ક્રિકેટર ન બનાવ્યો હતો તો સારું હતું, જાડેજાની પત્નીને માત્ર પૈસાથી મતલબ છે.
દિવ્ય ભાસ્કર સાથેની વાતચીતમાં અનિરુદ્ધસિંહ જાડેજાએ કહ્યું- તેમનો રવિન્દ્ર અને તેની પત્ની રિવાબા સાથે કોઈ પ્રકારનો સંબંધ નથી.
તેમણે આગળ કહ્યું- તે અમને નથી બોલાવતો, અમે તેને નથી બોલાવતા. તેના લગ્નના 2-3 મહિનામાં વિવાદ શરૂ થઈ ગયો હતો.
અનિરુદ્ધસિંહ જાડેજા જામનગરમાં એકલા રહે છે અને રવિન્દ્ર પણ અલગ રહે છે.
તેમણે કહ્યું, રવિન્દ્રના જીવનમાં સાસુનો હસ્તક્ષેપ વધુ છે, આ કારણે તેમણે 5 વર્ષથી પૌત્રીનું મોઢું પણ નથી જોયું.
વાતચીતમાં જાડેજાના પિતાએ કહ્યું- તેમન 20 હજાર રૂપિયાનું પેન્શન મળે છે, તેનાથી જ તેમનો ખર્ચ ચાલે છે.
તેમણે એમ પણ કહ્યું કે, રિવાબા હોટલ પોતાના નામે કરાવવા ઈચ્છતી હતી, આ વાતથી સંબંધો ખરાબ થયા હતા.
જાડેજાના પિતાએ કહ્યું કે, તેને ક્રિકેટર બનાવવા માટે તેમણે ચોકીદારી કરી. બહેન નયનાબાએ પણ ખૂબ સપોર્ટ કર્યો.