12 July 2024
ટીમ ઈન્ડિયાના સ્ટાર ઓલરાઉન્ડર હાર્દિક પંડ્યા અને નતાશા સ્ટેનકોવિક વચ્ચેના સંબંધો છેલ્લા કેટલાક સમયથી ચર્ચામાં છે.
ઘણા અહેવાલોમાં દાવો કરવામાં આવી રહ્યો છે કે હાર્દિક અને નતાશાના લગ્નમાં તિરાડ પડી રહી છે, જો કે અત્યાર સુધી બંનેમાંથી કોઈએ આ અંગે કોઈ પ્રતિક્રિયા આપી નથી.
આ દરમિયાન હાર્દિકનો એક વીડિયો સોશિયલ મીડિયા પર સામે આવ્યો હતો, જેમાં તે એક મિસ્ટ્રી ગર્લ સાથે મસ્તી કરતો જોવા મળ્યો હતો. આ મિસ્ટ્રી ગર્લનું નામ પ્રાચી સોલંકી છે.
પ્રાચી સોશિયલ મીડિયા એક ઈન્ફ્યુએન્સર છે અને વ્યવસાયે મેકઅપ આર્ટિસ્ટ પણ છે. પ્રાચીએ ઈન્સ્ટાગ્રામ પર હાર્દિક સાથેના વીડિયો અને ફોટો શેર કર્યા છે.
તેણે કેપ્શનમાં લખ્યું છે કે કૃપા કરીને કોઈ મને પિંચ કરો. આ પછી તે લખે છે કે જ્યારે હું વર્લ્ડ કપના હીરોને મળી હતી.
સોશિયલ મીડિયા પર બંનેના ફોટો જોયા બાદ લોકો મિસ્ટ્રી ગર્લનું નામ પંડ્યા સાથે જોડી રહ્યા છે. આ દરમિયાન નતાશાએ ઈન્સ્ટાગ્રામ પર ક્રિપ્ટિક પોસ્ટ પણ શેર કરી છે.
બીજી તરફ નતાશાએ તેના ઈન્સ્ટાગ્રામ પર વીડિયો શેર કર્યા છે, જેમાં હેડફોન પહેરીને તે ગીત સાંભળતી જોવા મળી રહી હતી. પહેલું સોંગ, Love everything but don’t lose the Lord ગાઈ રહી છે.
એક વીડિયોમાં તે Don’t Give Up On Me અને I Need You God સાંભળતી જોવા મળી હતી.
હાર્દિક અને પ્રાચીના ફોટા વાયરલ થયા બાદ લોકો નતાશાની પોસ્ટને તેમની સાથે જોડી રહ્યા છે. હવે બાકીનું સત્ય શું છે તે ફક્ત તેણી જ કહી શકે છે.