80 હજાર સામે 2 લાખ વસૂલ્યા છતાં 6 લાખ માગતો, વધુ એક વ્યાજખોર પોલીસ સકંજામાં આવ્યો

આ પણ વાંચો: ‘તારક મહેતા કા ઉલ્ટા ચશ્મા’ ફેમ એક્ટરનું 40 વર્ષની વયે નિધન, અંતિમ પોસ્ટ વાંચીને રડી પડશો

વ્યાજખોરની પોલીસે કરી અટકાયત
મહીસાગર જિલ્લાના કડાણા તાલુકા ખાતે કિરીટસિંહ પુવાર નામના આરોપી સામે વ્યાજખોરીની ફરિયાદ નોંધાઈ હતી. આરોપીએ ફરિયાદીને 80 હજાર આપ્યા તેની સામે 2.15 લાખ રૂપિયા લીધા હતા. જોકે તેમ છતાં પણ વધુ 6 લાખ રૂપિયાની માગણી કરી રહ્યો હતો. આથી તેની સામે પોલીસ ફરિયાદ નોંધાઈ હતી. જે બાદ પોલીસે આરોપી કિરીટસિંહની અટકાયત કરી લીધી છે.

આ પણ વાંચો: ફોનમાં Phone Pe ચાલુ કરવા જતા મહિલાએ 16 લાખ ગુમાવ્યા, આ ભૂલ કરી તો તમારું ખાતું સાફ થઈ જશે

પોલીસે અન્ય લોકોને પણ ફરિયાદ કરવા અપીલ કરી
નાયબ જિલ્લા પોલીસવડા પી.એસ વળવી એ સમગ્ર મામલે તપાસ કરી રજીસ્ટર સહિત અન્ય વસ્તુઓ કબજે કરી વ્યાજખોર આરોપી સામે કાર્યવાહી કરવાની ખાતરી આપી હતી. તેમજ મહીસાગર જિલ્લાની જનતાને વ્યાજખોરો સામે ફરિયાદ કરવા તેમણે અપીલ કરી હતી અને ફરિયાદ મળતા જ તાત્કાલિક કાર્યવાહીની ખાતરી આપી હતી. મહીસાગર જિલ્લાની વાત કરીએ તો અત્યાર સુધીમાં જુદા જુદા તાલુકાના પોલીસ સ્ટેશને વ્યાજખોરો સામે 12 જેટલી અરજીઓ મળી છે.

(વિથ ઈનપુટ: વિરેન જોશી)