પાલનપુર તાલુકામાં ઝેરી ઘાસચારો આરોગતા 21 ગાયોના કરુણ મોત, જાણો શું કહ્યું તંત્રએ

ખોરાકી ઝેરની અસરથી અચાનક 21  જેટલી ગાયોના મોતથી તેમના પાલન કરતા પશુપાલકના માથે આભ તૂટી પડ્યું હતું. આ ઘટનાને લઈને સરકારી તેમજ ખાનગી વેટરનરી ડોક્ટરોની 10  જેટલી ટીમો તુરંત જ ઘટના સ્થળે પહોંચી હતી. જ્યાં રાહત મદદ માં બીમાર ગાયોની તાત્કાલિક સારવાર શરૂ કરવામાં આવી હતી. આ સારવારના કારણે 12  જેટલી ગાયોના જીવ બચાવ્યા હતા. જ્યારે ગાયો રાખીને પરિવારનું ગુજરાન ચલાવતા ગરીબ પશુપાલક પરિવારને ભારે આર્થિક નુકસાન થયું હતું. જેથી પશુપાલકને તુરંત સહાય અપાય તેવી પણ માંગ ઉઠી હતી.

એક સાથે 21 જેટલા પશુના મોત મામલે પશુ પાલન વિભાગના સુત્રોએ જણાવ્યુ હતુ કે, ખેતરમાં બટાકાના વાવેતરના ફરતે ઉગેલા પાંદડા ઝેરી હોય છે. જેથી પશુઓ બટાકાના ઉપર ઉગેલા પાન આરોગતા ખોરાકી ઝેરની અસર થઇ હતી. પશુઓ બટાકાના ઉપર ઉગેલા પાન આરોગતા 21 પશુઓ મોતને ભેટ્યા હતા.  જ્યારે  પશુપાલનના વ્યવસાય પર નભતા પશુ પાલકોને મૃત્યુ પામેલા પશુઓની સહાય મળે તેવી માંગ કરવામાં આવી છે.