'હું હેરાન છું કે હાર્દિકને ઓલરાઉન્ડર કહેવાય છે,' પંડ્યાથી નારાજ બરોડાના પૂર્વ કોચનું મોટું નિવેદન

આ નિર્ણય મુખ્ય પસંદગીકાર અજીત અગરકર અને નવા મુખ્ય કોચ ગૌતમ ગંભીરે લીધો છે. જેમણે હાર્દિક પંડ્યાની ફિટનેસનો ઉલ્લેખ કર્યો હતો. આ ઉલટફેર બાદ પંડ્યા હવે બરોડા તરફથી વિજય હજારે ટ્રોફી રમતો જોવા મળશે. તેણે છેલ્લે 2018માં મુંબઈ સામે બરોડા તરફથી સ્થાનિક ક્રિકેટ રમી હતી. વાસ્તવમાં ICC ટ્રોફી આવતા વર્ષે રમાવાની છે અને BCCIએ નિર્ણય લીધો છે કે તેની ફિટનેસની તપાસ ડોમેસ્ટિક ટૂર્નામેન્ટ દ્વારા ODI ફોર્મેટમાં કરવામાં આવશે.

પંડ્યાને લઈને પૂર્વ કોચનું મોટું નિવેદન

હવે બરોડાના ભૂતપૂર્વ કોચ ડેવ વેટમોરે પંડ્યાને પોતાની સ્ટેટ ટીમને પ્રથમ પ્રાથમિકતા ન આપવા બદલ ઠપકો આપ્યો છે. PAK Passion યુટ્યુબ ચેનલ પર તેમણે કહ્યું-

હજુ પણ કેટલાક લોકો એવા છે જે વ્હાઈટ બોલ ક્રિકેટ રમતા નથી. ઉદાહરણ તરીકે, બરોડામાં મારા છેલ્લા કેટલાક વર્ષો દરમિયાન, પંડ્યા ક્યારેય વ્હાઈટ બોલની ક્રિકેટ રમ્યો નથી. મને હંમેશા આશ્ચર્ય થાય છે કે તેને બરોડાનો ઓલરાઉન્ડર કહેવામાં આવે છે, પરંતુ તે ઘણા વર્ષોથી બરોડા માટે રમ્યો નથી. આવા ઘણા લોકો છે જે આમ નથી કરતા.

ડેવ વોટમોરે વધુમાં કહ્યું- તાજેતરમાં મેં જોયું છે કે BCCI ખેલાડીઓને રણજી ટ્રોફીની સાથે અન્ય ફોર્મેટમાં ભાગ લેવા દબાણ કરી રહ્યું છે જેથી તેઓ ક્રિકેટને એક રમત તરીકે જુએ. ચાર દિવસીય ક્રિકેટની અવગણના ન થાય તે માટેના પ્રયાસો કરવામાં આવી રહ્યા છે.

T20 વર્લ્ડ કપની ફાઇનલમાં નિર્ણાયક છેલ્લી ઓવર ફેંકીને ભારતને વિશ્વ ચેમ્પિયન બનાવવા માટે પંડ્યા શ્રીલંકા સામેની ત્રણ ટી20 શ્રેણીનો ભાગ છે. શ્રેણીની પ્રથમ મેચ 27મી જુલાઈએ રમાશે.