IPL 2024 વચ્ચે CSK ને લાગ્યો મોટો ઝટકો, બહાર થયો આ ઘાતક ખેલાડી

મુસ્તાફિઝુર રહેમાન IPL ની બહાર?

મુસ્તાફિઝુર રહેમાન ઘરે ગયો છે અને તેથી એવી સંભાવના છે કે તે 5મી એપ્રિલે સનરાઈઝર્સ હૈદરાબાદ એટલે કે SRH સામે રમાનાર આગામી મેચ માટે ઉપલબ્ધ નહીં હોય. ક્રિકબઝના અહેવાલ મુજબ મુસ્તાફિઝુર રહેમાન વિઝા સંબંધિત સમસ્યાને કારણે બાંગ્લાદેશ પરત ફર્યા છે. તેને USA અને વેસ્ટ ઈન્ડિઝમાં યોજાનારા ટી20 વર્લ્ડ કપ 2024 માટે વિઝાની જરૂર છે. આ સમસ્યાના ઉકેલ માટે તે બાંગ્લાદેશ પરત ફર્યો છે.

IPL મેચની તમારી ટિકિટ નકલી તો નથી ને? સુરતમાંથી 7 ઠગોની સાયબર સેલે કરી ધરપકડ

આ કારણે મુસ્તાફિઝુર રહેમાન બાંગ્લાદેશ પરત ફર્યો 
 

આ વર્ષે T20 વર્લ્ડ કપની યજમાની વેસ્ટ ઈન્ડિઝની સાથે સાથે USA દ્વારા કરવામાં આવી રહી છે. મુસ્તફિઝુર તેના યુએસ વિઝા માટે બાયોમેટ્રિક્સ પ્રક્રિયા પૂર્ણ કરવા બાંગ્લાદેશ ગયો છે. બાયોમેટ્રિક્સ પ્રક્રિયા પૂર્ણ કર્યા પછી પણ, તેઓ ભારત આવી શકશે નહીં, કારણ કે તેમને પાસપોર્ટ પરત કરતા પહેલા રાહ જોવાની અવધિમાંથી પસાર થવું પડશે. આ સમયગાળા દરમિયાન તે પોતાના દેશમાં જ રહેશે. જો આમ થશે તો તે ચેન્નાઈ માટે એક કરતા વધુ મેચ ગુમાવશે. રિપોર્ટમાં વધુમાં જણાવવામાં આવ્યું છે કે બાયોમેટ્રિક્સ માટે મુસ્તફિઝુરની એપોઇન્ટમેન્ટ 4 એપ્રિલે નક્કી કરવામાં આવી છે. ચેન્નાઈ સુપર કિંગ્સની આગામી મેચ 5 એપ્રિલે હૈદરાબાદમાં છે તેથી તે આ મેચ માટે ઉપલબ્ધ રહેશે નહીં. CSKની આગામી મેચ 8 એપ્રિલે ઘરઆંગણે કોલકાતા નાઈટ રાઈડર્સ (KKR) સામે છે. જો અમેરિકન વિઝા પ્રક્રિયામાં વધુ વિલંબ થશે તો મુસ્તફિઝુર આ મેચ પણ ચૂકી શકે છે. બાંગ્લાદેશ ક્રિકેટ બોર્ડના એક અધિકારીએ આ વાતની પુષ્ટિ કરી છે.