MS Dhoni Milestones: મહેન્દ્ર સિંહ ધોનીએ ઈતિહાસ રચ્યો, આવું કરનાર વિશ્વનો એકમાત્ર વિકેટકીપર

'કેપ્ટન કુલ'ને નામ વધુ એક માઈલસ્ટોન 

આ મેચમાં મહેન્દ્ર સિંહ ધોનીનો અલગ સ્વેગ પણ જોવા મળ્યો હતો, તેણે માત્ર 9 બોલમાં 28 રનની ફાસ્ટ ઇનિંગ રમીને એક સારો ટાર્ગેટ સ્કોર બોર્ડ પર સેટ કરી દીધો હતો. ધોનીએ તેની ઇનિંગ દરમિયાન 3 ચોગ્ગા અને 2 છગ્ગા ફટકાર્યા, આ રીતે તેનો બેટિંગ સ્ટ્રાઇક રેટ 311.11 રહ્યો. આ ઈનિંગના કારણે 42 વર્ષીય ધોનીએ પણ એક માઈલસ્ટોન પોતાના નામે કરી લીધું, તે આઈપીએલમાં વિકેટ કીપર બેટ્સમેન તરીકે 5000 રન બનાવનાર વિશ્વનો પ્રથમ ખેલાડી બની ગયો છે. તેની ઇનિંગ દરમિયાન ધોનીએ 20મી ઓવરમાં યશ ઠાકુરની બોલ પર 101 મીટરમાં સિક્સ ફટકારી હતી. જે હાલ સોશિયલ મીડિયા પર ખૂબ જ વાયરલ થઈ રહ્યો છે.

Lok Sabha Election 2024: 5 વર્ષમાં CR પાટીલની મિલકત બે કરોડનો વધારો, જાણો કેટલી છે કુલ સંપત્તિ

ધોનીનું ક્રિકેટ કરિયર

 
ધોનીના IPL કરિયરની વાત કરીએ તો અત્યાર સુધી તેણે 257 મેચમાં 5,169 રન બનાવ્યા છે. આ સમયગાળા દરમિયાન તેની એવરેજ 39.45 હતી અને સ્ટ્રાઈક રેટ 136.99 હતો. IPLમાં ધોનીએ અત્યાર સુધી 24 અડધી સદી ફટકારી છે. ધોનીએ 350 ODI ઈન્ટરનેશનલ મેચોમાં 50.57ની સરેરાશથી 10773 રન બનાવ્યા, જેમાં 10 સદી અને 73 અડધી સદી સામેલ છે. વનડેમાં તેણે વિકેટ પાછળથી 444 વિકેટ લીધી છે. તેનો સર્વોચ્ચ સ્કોર અણનમ 183 રન છે. ધોનીએ 90 ટેસ્ટ મેચમાં 38.09ની એવરેજથી 4876 રન બનાવ્યા છે. તેણે ટેસ્ટમાં 6 સદી અને 33 અડધી સદી ફટકારી છે. આ ફોર્મેટમાં તેનો સર્વોચ્ચ સ્કોર 224 રન હતો. માહીએ ભારત માટે 98 T-20 આંતરરાષ્ટ્રીય મેચોમાં 37.60ની એવરેજથી 1617 રન બનાવ્યા છે, જેમાં 2 અડધી સદી સામેલ છે. ધોનીએ ટી20 ઈન્ટરનેશનલમાં વિકેટ પાછળથી 91 વિકેટ લીધી હતી.