IPL 2024, PBKS vs CSK highlights: જડ્ડુનો જાદુ! પંજાબને ઘરઆંગણે હરાવી ચેન્નાઈની મોટી છલાંગ, જુઓ પોઈન્ટ ટેબલ

મેચનો હીરો કોણ રહ્યું? 

ચેન્નાઈ સુપર કિંગ્સની જીતનો હીરો રવિન્દ્ર જાડેજા હતો જેણે ઓલરાઉન્ડ પ્રદર્શન કર્યું હતું. જાડેજાએ પહેલા બેટિંગમાં 43 રન બનાવ્યા અને પછી ત્રણ વિકેટ પણ લીધી. પ્રભસિમરન સિંહ અને શશાંક સિંહ પણ પંજાબ કિંગ્સ માટે બેટિંગમાં અજાયબી કરી શકે છે. ઈમ્પેક્ટ પ્લેયર તરીકે આવેલા પ્રભાસિમરને 30 રન અને શશાંક સિંહે 27 રન બનાવ્યા હતા. જાડેજા ઉપરાંત સિમરજીત સિંહ અને તુષાર દેશપાંડેએ પણ ચેન્નાઈ તરફથી બોલ સાથે શાનદાર પ્રદર્શન કર્યું હતું. બંને ઝડપી બોલરોએ બે-બે વિકેટ ઝડપી હતી.

CBSE 10th 12th Result: પરિણામ પહેલાં 6 અંકનો ડિજિટલ કોડ જાહેર, તેના વગર નહીં જોઈ શકો રીઝલ્ટ!

ધોની ખાતું પણ ખોલાવી શક્યો નહોતો

ટોસ હાર્યા બાદ પ્રથમ બેટિંગ કરતા ચેન્નાઈ સુપર કિંગ્સે 9 વિકેટે 167 રન બનાવ્યા હતા. CSK તરફથી રવિન્દ્ર જાડેજાએ સૌથી વધુ 43 રન બનાવ્યા હતા. જાડેજાએ 26 બોલની ઈનિંગમાં ત્રણ ચોગ્ગા અને બે છગ્ગા ફટકાર્યા હતા. કેપ્ટન રૂતુરાજ ગાયકવાડે 32 રન અને ડેરીલ મિશેલે 30 રનનું ઉપયોગી યોગદાન આપ્યું હતું. પૂર્વ કેપ્ટન મહેન્દ્ર સિંહ ખાતું પણ ખોલી શક્યો ન હતો અને પ્રથમ બોલ પર જ આઉટ થયો હતો. તેને હર્ષલ પટેલે ક્લીન બોલ્ડ કર્યો હતો. પંજાબ તરફથી હર્ષલ પટેલ અને રાહુલ ચાહરે ત્રણ-ત્રણ વિકેટ લીધી હતી. જ્યારે અર્શદીપ સિંહે બે સફળતા હાંસલ કરી હતી. આ મેચ માટે ચેન્નાઈ સુપર કિંગ્સની ટીમમાં મોટો ફેરફાર કરવામાં આવ્યો છે. ઝડપી બોલર મુસ્તાફિઝુર રહેમાનની જગ્યાએ કિવી ઓલરાઉન્ડર મિશેલ સેન્ટનરને તક મળી છે. મુસ્તાફિઝુર રાષ્ટ્રીય ફરજ પર બાંગ્લાદેશ પરત ફર્યો છે. બીજી તરફ, પંજાબ કિંગ્સે આ મેચ માટે પોતાના કોમ્બિનેશનમાં કોઈ ફેરફાર કર્યો નથી.

હેડ ટુ હેડ રેકોર્ડ 

IPLમાં ચેન્નાઈ સુપર કિંગ્સ અને પંજાબ કિંગ્સ વચ્ચે હંમેશા ટક્કર રહી છે. બંને ટીમો વચ્ચે અત્યાર સુધીમાં કુલ 30 મેચ રમાઈ છે, જેમાંથી ચેન્નાઈએ 15માં જીત મેળવી છે, જ્યારે પંજાબને પણ 15 મેચમાં સફળતા મળી છે. આ સિઝનમાં બંને ટીમો બીજી વખત આમને-સામને આવી છે. આ પહેલા 1 મેના રોજ ચેપોકમાં બંને ટીમો વચ્ચે મેચ રમાઈ હતી, જેમાં પંજાબ કિંગ્સનો સાત વિકેટે વિજય થયો હતો.

IPL ની વચ્ચે CSKને મોટો ઝટકો, દીપક ચહર બાદ આ સ્ટાર ખેલાડી પણ થયો બહાર

• કુલ મેચ: 30
• ચેન્નાઈ જીત્યું: 15
• પંજાબ જીત્યું: 15

પંજાબ કિંગ્સ પ્લેઇંગ-11

સેમ કરન (કેપ્ટન), જોની બેયરસ્ટો, રિલી રૂસો, શશાંક સિંહ, જીતેશ શર્મા (વિકેટકીપર), આશુતોષ શર્મા, હરપ્રીત બ્રાર, હર્ષલ પટેલ, રાહુલ ચહર, કાગીસો રબાડા અને અર્શદીપ સિંહ.

ચેન્નઈ સુપર કિંગ્સ પ્લેઇંગ-11

ઋતુરાજ ગાયકવાડ (કેપ્ટન), અજિંક્ય રહાણે, ડેરીલ મિચેલ, શિવમ દુબે, મોઈન અલી, રવીન્દ્ર જાડેજા, એમએસ ધોની(વિકેટકીપર), મિચેલ સેન્ટનર, શાર્દૂલ ઠાકુર, રિચર્ડ ગ્લેસન અને તુષાર દેશપાંડે.