અનંત અંબાણીની જાનમાં Hardik Pandya એ કરી ખાસ ડિમાન્ડ, અનન્યા પાંડે સાથે કર્યો જોરદાર ડાંસ

Hardik Pandya in Ambani's Wedding: અનંત અંબાણી અને રાધિકા મર્ચન્ટના ભવ્ય લગ્નમાં સચિન તેંડુલકર, હાર્દિક પંડ્યા, સૂર્યકુમાર યાદવ, કેએલ રાહુલ, જસપ્રિત બુમરાહ સહિત ઘણા ક્રિકેટરોએ હાજરી આપી હતી. આ દરમિયાન ભારતીય ઓલરાઉન્ડર હાર્દિક પંડ્યાએ અનંત અંબાણીની જાનમાં મહેફિલ જમાવી દીધી હતી. તેણે રણવીર સિંહ અને અનન્યા પાંડે સાથે અનંતના લગ્નની જાનમાં ચાર ચાંદ લગાવી દીધા હતા. તેના મસ્તીભર્યા ડાંસના વીડિયો પણ સોશિયલ મીડિયા પર ખૂબ વાયરલ થઈ રહ્યા છે. જે ચાહકોને ખૂબ જ પસંદ આવી રહી છે. તે તેના મોટા ભાઈ કૃણાલ પંડ્યા અને ભાભી પંખુરી સાથે લગ્નમાં આવ્યો હતો.