ઉત્તર ગુજરાતમાં મોટું સહકારી માળખું ભાજપમાં જોડાયું, 350થી વધુ કાર્યકરો અને 30થી વધુ સિનિયર નેતાઓનો પક્ષપલ્ટો

Gujarat Politics: ‘હવે ગુંદર લગાડીને ભાજપમાં ચોંટી રહેજો’, CR પાટીલની ધવલસિંહ ઝાલાને ટકોર

30-40 વર્ષ પછી વિચારધારા બદલાઈ હોય તેવા પણ નેતા-કાર્યકરો

અરલવલ્લીમાં હાલમાં ભાજપમાં એક કાર્યક્રમ દરમિયાન સી આર પાટીલની હાજરીમાં 30થી વધારે સિનિયર નેતાઓ અને 350થી વધારે કાર્યકરો ભાજપમાં જોડવામાં આવ્યા છે. મોડાસા, ધનસુરા, બાયડ સહિતના તાલુકાઓના કોંગ્રેસના નેતાઓએ આજે ભાજપનો ખેસ પહેર્યો છે. આ નેતાઓ અને કાર્યકરોએ સી આર પાટીલ કે જેઓ ભાજપના પ્રદેશ પ્રમુખ છે તેમના હાથે ખેસ પહેરી ભાજપમાં વિધિવત પ્રવેશ કર્યો છે. જેમાં મોટું સહકારી માળખું ભાજપમાં જોડાયું છે. આપને જણાવી દઈએ કે તેમાં કોંગ્રેસના પૂર્વ પ્રમુખો, યુવા મોરચાના પ્રમુખ, મહામંત્રીઓનો પણ સમાવેશ થાય છે કે જેઓ હવે ભાજપમાં જોડાયા છે. અહીં ખાસ નામોની વાત કરીએ તો બાયડ કોંગ્રસના નેતા દોલતસિંહ ચૌહાણ, કોંગ્રેસના બાયડના પૂર્વ પ્રમુખ આદેશસિંહ ચૌહાણ અને ધનસુરા યાર્ડના વાઈસ ચેરમેન જીગ્નેશ પટેલ પણ હવે ભાજપના થઈ ગયા છે, અરે એવા પણ નેતાઓ-કાર્યકરો છે કે જેઓ કોંગ્રેસમાં 30થી 40 વર્ષ સુધી હતા તેમની પણ વિચારધારા બદલાઈ ગઈ છે બોલો. માત્ર કોંગ્રેસ જ નહીં આપ (આમ આદમી પાર્ટી)માંથી ચૂંટાયેલા તાલુકા સદસ્ય રાહુલ સોલંકીએ પણ હવે આપને અલવીદા કરી ભાજપનો ખેસ પહેરી લીધો છે.

(હિતેશ સુતરિયા, અરવલ્લી)