RAJKOT શર્મસાર: 86 વર્ષના વૃદ્ધે 7 વર્ષની બાળકી પર દુષ્કર્મ આચર્યું

ભક્તિનગર પોલીસ દ્વારા 86 વર્ષના વૃદ્ધની ધરપકડ
ભક્તિનગર પોલીસે ભોગ બનનાર 7 વર્ષની બાળાના પિતાની ફરિયાદના આધારે કોઠારિયા રોડ આનંદનગર પોલીસે વેલજી પીઠવા (ઉ.વ 86) વિરુદ્ધ કેસ દાખલ કરીને તપાસ આદરી છે. બાળકીના પિતાની ફરિયાદ અનુસાર સાત વર્ષ અને નવ માસની દીકરી છે. સાંજે હું ઘરે પહોંચ્યો ત્યારે પત્ની અને બાળકી ઘરે હતા. બાળકીની આંખો લાલ થઇ હતી. જેથી અમે તેના આંખના ટીપા નાખ્યા હતા. ત્યાર બાદ ઘરે જવા માટે મોકલી હતી. જો કે તે પરત નહી ફરતા સાડા દસેક વાગ્યે હું ઘરે પહોંચ્યો. જો કે તે ઘરે પણ નહોતી. પત્નીએ કહ્યું કે તે તમારી પાસે હતી. જેથી અમે આસપાસમાં તપાસ કરી હતી.

બાળકીને પરાણે પુરીને દુષ્કર્મ આચર્યું
જો કે ત્યારે અચાનક આનંદનગર કોલોનીના બ્લોક 8 ના નીચેના ક્વાર્ટરમાંથી મારી દીકરી રડતી રડતી બહાર આવી હતી. તેના વાળ વેર વિખેર થઇ ગયા હતા. દીકરીને ઘરે બોલાી પુછપરછ કરતા તેણે પોતાની કાલીઘેલી ભાષામાં આપવીતી વર્ણવી હતી. દીકરીની વાત સાંભળી મે પોલીસને બોલાવી હતી.