અમદાવાદમાં પૂર્વના અનેક વિસ્તારમાં વરસાદ, ઈસનપુરમાં સમુહલગ્નમાં ભોજનની થાળી સાથે મહેમાનો ભાગ્યા

ઈસનપુરમાં સમુહલગ્નમાં નાસભાગ મચી
વિગતો મુજબ, ઈસનપુર વિસ્તારમાં આદિવાસી-ભીલ સમાજના સમુહ લગ્નનું આયોજન કરવામાં આવેલું છે. જોકે આ દરમિયાન જ વરસાદ પડતા ભોજનની થાળીઓ સાથે મહેમાનોમાં નાસભાગ મચી ગઈ હતી. શહેરમાં સવારથી જ ધુમ્મસવાળા વાતાવરણ વચ્ચે આકાશમાં વાદળો ઘેરાયા છે. ત્યારે વાદળછાયા વાતાવરણ વચ્ચે પવન સાથે વરસાદ પડતા રસ્તાઓ ભીના થયા હતા અને વાહન ચાલકોને પણ ભારે હાલાકી પડી હતી. એક બાજુ કડકડતી ઠંડી પડી રહી છે, બીજી બાજુ વરસાદ ત્યારે લોકો પણ હવામાનમાં આવેલા અચાનક ફેરફારમાં સ્વેટર પહેરવું કે રેઈનકોટ તેની મૂંઝવણમાં પડી ગયા છે.

Ahmedabad ના વાતાવરણમાં આવ્યો પલટો, શહેરના પૂર્વના અનેક વિસ્તારોમા ધીમીધારે વરસાદ શરૂ #Ahmedabad #GujaratRains #WeatherUpdate #AhmedabadRains pic.twitter.com/jnbyzz82XH

— Gujarat Tak (@GujaratTak) January 28, 2023

સવારથી વડોદરા, આણંદ સહિતના જિલ્લામાં વરસાદ
આ પહેલા આજે સવારે રાજ્યના વડોદરા, અરવલ્લી, પંચમહાલ તથા મહીસાગર સહિતના જિલ્લાઓમાં આજે વહેલી સવારથી વાદળછાયા વાતાવરણ વચ્ચે ચોમાસા જેવો વરસાદી માહોલ છવાયો હતો. મહીસાગર જિલ્લામાં વહેલી સવારથી વાદળછાયું વાતાવરણ સર્જાયું હતું. હવામાન વિભાગની આગાહીને પગલે જિલ્લાના સંતરામપુર, ખાનપુર, વિરપુર, બાલાસિનોર, લુણાવાડા, કડાણા તેમજ જિલ્લાના અન્ય વિસ્તારોમાં વહેલી સવારે હળવો વરસાદ પડ્યો હતો. વરસાદને પગલે જિલ્લામાં વાવેતર કરેલા બાજરી, મકાઈ, ચણા સહિતના પાકોને નુકસાનની ભીતિથી ખેડૂતો ચિંતિત બન્યા છે.

તમારા વ્હોટ્સએપ પર વધારે સમાચારો અને બ્રેકિંગ ન્યૂઝ મેળવવા માટે ક્લિક કરો…