રાહુલ ગાંધીનો ડુપ્લીકેટ, Viral થયો Video જ્યારે ભારત જોડો યાત્રામાં જોડાયો

શું કહ્યું ફૈઝલે
આ વ્યક્તિ સાથેની વાતચીતમાં જાણવા મળ્યું કે ફૈઝલ ચૌધરી મેરઠનો રહેવાસી છે. તેઓ કોંગ્રેસ પાર્ટીના સભ્ય પણ છે. ફૈઝલે કહ્યું કે છેલ્લા એક વર્ષથી લોકો તેમને રાહુલ ગાંધીના ડુપ્લીકેટ કહી રહ્યા છે. ફૈઝલ ​​ચૌધરીએ કહ્યું કે ઘણા લોકો કહે છે કે તું રાહુલ ગાંધી જેવો દેખાય છે. ઘણા લોકો સાથે ફોટોગ્રાફ પણ લે છે, વીડિયો બનાવે છે.

#WATCH | Uttar Pradesh: Faisal Chaudhary, a Congress worker in Meerut, who’s a look-alike of Congress MP Rahul Gandhi, joined ‘Bharat Jodo Yatra’ yesterday in Baghpat. pic.twitter.com/wy6oEQhdaj

— ANI (@ANI) January 5, 2023

ભારત જોડો યાત્રા અંગે શું કહ્યું ફૈઝલે
તમે રાહુલ ગાંધી જેવા લાગો છો… સાંભળીને તમને કેવું લાગે છે? આ સવાલ પર ફૈઝલે કહ્યું કે સારું લાગે છે. અમે તેમની કોપી છીએ. સૌથી મોટી વાત એ છે કે અમે તેમની પાર્ટીના કાર્યકર્તા છીએ. ફૈઝલે જણાવ્યું કે તે 4 જાન્યુઆરીએ અને ફરીથી 5 જાન્યુઆરી 2023ના રોજ ભારત જોડો યાત્રામાં જોડાયો અને પગપાળા ચાલ્યો. તેમણે કહ્યું કે ભારત જોડો યાત્રા દ્વારા સારો સંદેશ જશે. આ નફરતની વિરુદ્ધ છે. જેમાં બેરોજગારી અને ખેડૂતોનો મુદ્દા પણ ઉઠાવવામાં આવી રહ્યા છે જે સારી બાબત છે.

મારી ટી-શર્ટની વાત કરે છે, ખેડૂતોની કરતા નથીઃ રાહુલ ગાંધી
કોંગ્રેસ પાર્ટીની ભારત જોડો યાત્રા 7 સપ્ટેમ્બરે કન્યાકુમારીથી શરૂ થઈ હતી. આ યાત્રા જમ્મુ-કાશ્મીર સુધી 12 રાજ્યોમાંથી પસાર થવાની છે. રાહુલ ગાંધી અત્યાર સુધીમાં ત્રણ હજાર કિલોમીટરથી વધુ ચાલ્યા છે. હવે માત્ર 342 કિલોમીટરનો પ્રવાસ બાકી છે. હરિયાણા બાદ આ યાત્રા પંજાબ અને પછી જમ્મુ-કાશ્મીર પહોંચશે. રાહુલ ગાંધીની યાત્રા 5 જાન્યુઆરીએ બાગપતમાં હતી. અહીં તેમણે જનસભામાં કેન્દ્ર સરકાર પર આકરા પ્રહારો કર્યા હતા. તેમણે કહ્યું કે, તેમની અડધી બાંયની ટી-શર્ટ પહેરવાની વાત થાય છે, પરંતુ ખેડૂત શિયાળામાં કામ કરે છે, તેની ચર્ચા થતી નથી. રાહુલે કહ્યું કે ભાજપની નીતિ ભારતના યુવાનો, ખેડૂતો અને મજૂરોને ડરાવવાની છે. નોટબંધી, ખોટો GST, આ બધી નીતિઓ જે તેમણે કોવિડ દરમિયાન કરી હતી તે ખેડૂતો, મજૂરોને ડરાવવા માટે છે, કારણ કે તેઓ જાણે છે, જ્યારે તેઓ ભય ફેલાવે છે, ત્યારે તે ડરને નફરતમાં ફેરવવું ખૂબ જ સરળ છે, આ તેમનું કામ છે. રાહુલે આગળ કહ્યું કે એક વાત સમજો, આ ડાયલોગ તમે બોલ્યા હતા, એ મારો ડાયલોગ નથી. આ શિવજીનો ડાયલોગ છે. આ ડાયલોગ છે- ડરશો નહીં, આ આપણો ધર્મ છે.