MLAના કાર્યાલયની બહાર દારૂ પીધેલા હેડ કોન્સ્ટેબલે પેશાબ કર્યો, પોલીસ પર પણ હાથ ઉઠાવ્યો

Chaitar Vasava News: ગુજરાતમાં કડક દારૂબંધીના દાવાઓ પોકળ સાબિત થઈ રહ્યા છે. જે પોલીસ પર દારૂબંધીનું પાલન કરાવવાની જવાબદારી છે તે જ દારુ પીને જાહેરમાં અસભ્ય વર્તન કરવાની ઘટના ફરી એકવાર સામે આવી છે. ડેડિયપાડાના ધારાસભ્ય ચૈતર વસાવાના કાર્યાલય નજીક ટ્રાફિક-પોલીસ હેડ કોન્સ્ટેબલે દારૂના નશામાં હોબાળો મચાવ્યો હતો. આટલું જ નહીં કોન્સ્ટેબલે ચૈતર વસાવાની ઓફિસની બહાર પેશાબ કર્યો અને જાનથી મારી નાખવાની ધમકી પણ આપી હતી. દારૂના નશામાં ભાન ભૂલેલા હેડ કોન્સ્ટેબલે પોલીસ સ્ટેશનમાં પોલીસકર્મીઓ પર પણ હાથ ઉગામ્યો હતો.