તુક્કલ વેચાણ અને ઉપયોગ સામે પણ પોલીસની છે બાજ નજર, ઉત્તરાયણ પહેલા સુપર એક્ટિવ..

અમદાવાદ પોલીસ એલર્ટ
મીડિયા રિપોર્ટ્સ પ્રમાણે ચાઈનીઝ દોરીની સાથે હવે તુક્કલના ઉપયોગ અને વેચાણ સામે પણ પોલીસની બાજ નજર રહેલી છે. અમદાવાદમાં સામાન્ય દોરી તૈયાર કરતા વેપારીઓ સાથે મળીને જાગૃતિ લાવવા પણ ઝૂંબેશ ચાલુ કરાઈ છે. એની સાથે તુક્કલ સહિતની વસ્તુઓના ઉપયોગ પર પ્રતિબંધ મુકાઈ શકે છે.

ઓનલાઈન વેચાણ પર પણ પોલીસની નજર
અમદાવાદમાં ચાઇનીઝ દોરીને લઈ પોલીસ તંત્ર એકશન મોડ પર જોવા મળી રહ્યું છે. ત્યારે અમદાવાદ પોલીસ ચાઇનીઝ દોરી પકડી પાડવા માટે ખાસ ઝુંબેશ શરૂ કરી છે. જેને લઈ અમદાવાદ માં 170 જેટલા ગેરકાયદેસર ચાઈનીઝ દોરીના વેચાણના કેસ કરવામાં આવ્યા છે. ઓનલાઈન પણ ચાઈનીઝ દોરીનું વેચાણ કરવામાં આવે છે. તેને લઇને પોલીસ દ્વારા કાર્યવાહી કરવામાં આવશે. ઓનલાઇન વેચાણને લઈને સાયબર ક્રાઇમ દ્વારા કાર્યવાહી કરવામાં આવશે