પાકિસ્તાનમાં લોટની તંગીઃ ખજાનામાં વધ્યા બસ આટલા નાણાં

નવી દિલ્હીઃ પાકિસ્તાનમાં ભારે આર્થિક સંકટ વચ્ચે શહેબાઝ શરીફ સરકારના નાણામંત્રી દેશના વિદેશી હૂંડિયામણ ભંડારની કફોડી હાલતને છુપાવવાનો પ્રયાસ કરી રહ્યા છે. પાકિસ્તાનના નાણાપ્રધાન ઈશાક ડારે કહ્યું છે કે હાલમાં પાકિસ્તાનની વિદેશી મુદ્રા ભંડાર $4 બિલિયન નહીં પરંતુ $10 બિલિયન છે. ઈશાક ડારે વધુમાં કહ્યું કે $6 બિલિયન પાકિસ્તાનની કોમર્શિયલ બેંકો પાસે છે, જેને પણ ભંડારના ભાગ તરીકે ગણવામાં આવશે. પાકિસ્તાનના નાણાપ્રધાન ઈશાક ડારનું આ નિવેદન એવા સમયે આવ્યું છે જ્યારે પાકિસ્તાનના વિદેશી મુદ્રા ભંડારમાં ભારે અછતના સમાચારો જોરમાં છે. તાજેતરમાં, ઘણા પાકિસ્તાની અહેવાલો સામે આવ્યા છે કે પાકિસ્તાનની વિદેશી મુદ્રા ભંડાર ઘટીને 4.5 અબજ ડોલર થઈ ગયો છે, જે પાકિસ્તાનની શહેબાઝ શરીફ સરકાર માટે પણ ખતરાની ઘંટડી સમાન છે.