Satish Kaushik ના મૃત્યુ કેસમાં નવો વળાંક, દિલ્હી પોલીસને ફાર્મ હાઉસમાંથી મળ્યું કઈક આવું

9 માર્ચે પીઢ અભિનેતા સતીશ કૌશિકનું 66 વર્ષની વયે અવસાન થયું હતું. સતીશ કૌશિકના અવસાનથી તેમના પરિવાર અને નજીકના લોકો માટે જીવનભરનો ખાલીપો પડી ગયો છે. પ્રારંભિક પોસ્ટમોર્ટમ રિપોર્ટમાં મૃત્યુનું કારણ કાર્ડિયાક અરેસ્ટ જણાવવામાં આવ્યું હતું. પરંતુ હવે સતીશ કૌશિક મૃત્યુ કેસમાં નવો વળાંક આવ્યો છે.

ફાર્મહાઉસમાંથી પોલીસને શું મળ્યું?
સૂત્રોના જણાવ્યા અનુસાર ક્રાઈમ ટીમને દક્ષિણ પશ્ચિમ દિલ્હીના ફાર્મહાઉસમાંથી કેટલીક દવાઓ મળી હતી. જ્યાં સતીશ કૌશિકે એક દિવસ પહેલા હોળી પાર્ટી કરી હતી. પોલીસ કોઈપણ નિર્ણય પર પહોંચતા પહેલા વિગતવાર પોસ્ટ મોર્ટમ રિપોર્ટની રાહ જોઈ રહી છે. જેમાં મૃત્યુનું સાચું કારણ જાણવા મળશે.

vadodra: રાજ્ય પાસે હતી પોતાની એરફોર્સ, મહારાજા પ્રતાપસિંહ એરફોર્સનું વિમાન ઉડાવી વડોદરાથી કરાંચી પહોંચ્યા હતા

સતીશે હોળી રમ્યા હતા
કોઈએ સપનામાં પણ વિચાર્યું નહીં હોય કે વર્ષ 2023 સતીશ કૌશિકનું છેલ્લું હશે. સતીશ કૌશિકે 7 માર્ચે મુંબઈમાં શબાના આઝમીના ઘરે હોળી પાર્ટીમાં હાજરી આપી હતી. તેણે તેની તસવીરો ઈન્સ્ટા પર શેર કરી છે. મુંબઈમાં મિત્રો સાથે હોળી રમ્યા બાદ સતીશ કૌશિકે 8મી માર્ચે દિલ્હીમાં હોળી રમી હતી. તેણે દિલ્હીના બિજવાસન ખાતેના તેના ફાર્મહાઉસમાં પરિવાર સાથે હોળી રમી હતી.દિવસ દરમિયાન હોળી રમ્યા બાદ મધરાતે 12.10 વાગ્યે તેને બેચેની થવા લાગી હતી. તેણે તેના મેનેજરને શ્વાસ લેવામાં તકલીફની ફરિયાદ કરી હતી. આ પછી તેને તરત જ ફોર્ટિસ હોસ્પિટલમાં લઈ જવામાં આવ્યો. ત્યાં તબીબોએ સતીશ કૌશિકને બચાવવાનો ભરપૂર પ્રયાસ કર્યો હતો. પરંતુ ત્યાં સુધીમાં તેણે અંતિમ શ્વાસ લઈ લીધા હતા.

તમારા વ્હોટ્સએપ પર વધારે સમાચારો અને બ્રેકિંગ ન્યૂઝ મેળવવા માટે ક્લિક કરો…