FASTag થશે આઉટ? ભારતમાં શરૂ થઈ સેટેલાઈટ ટોલ સિસ્ટમ, દુનિયાના આ પાંચ દેશોમાં પણ છે લાગુ

સેટેલાઇટ આધારિત ટોલ સિસ્ટમ શું છે?

સેટેલાઇટ આધારિત ટોલ સિસ્ટમ માટે સરકાર GNSS આધારિત ટોલિંગ સિસ્ટમનો ઉપયોગ કરશે જે હાલની ઇલેક્ટ્રોનિક ટોલ કલેક્શન સિસ્ટમનું સ્થાન લેશે. તમને જણાવી દઈએ કે હાલની સિસ્ટમ RFID ટેગ્સ પર કામ કરે છે જે આપમેળે ટોલ વસૂલ કરે છે. બીજી તરફ, GNSS આધારિત ટોલિંગ સિસ્ટમમાં વર્ચ્યુઅલ ટોલ હશે. તેનો અર્થ એ કે ટોલ હાજર હશે, પરંતુ તમે તેને જોઈ શકશો નહીં. આ માટે, વર્ચ્યુઅલ ગેન્ટ્રી સ્થાપિત કરવામાં આવશે. જેને GNSS સક્ષમ વાહન સાથે જોડવામાં આવશે.

આ સમય દરમિયાન, જો તમે આ વર્ચ્યુઅલ ટોલ્સમાંથી પસાર થશો, તો યુઝરના ખાતામાંથી પૈસા કપાશે. ભારતની પોતાની નેવિગેશન સિસ્ટમ્સ GAGAN અને NavIC છે. તેમની મદદથી વાહનોને ટ્રેક કરવાનું સરળ બનશે. આ સાથે યુઝરનો ડેટા પણ સુરક્ષિત રહેશે.

શું ફાયદો થશે?

વર્તમાન ફાસ્ટેગ આધારિત ટોલ સિસ્ટમમાં હાઇવેનો ઉપયોગ કરતી વખતે તમારે ટૂંકા અંતર માટે પણ સંપૂર્ણ ટોલ ચૂકવવો પડશે. ત્યારે સેટેલાઇટ ટોલ સિસ્ટમમાં તમે જે અંતરની મુસાફરી કરો છો તેના માટે તમારે ટોલ ચૂકવવો પડશે. આનો અર્થ એ છે કે તમે વધારાનો ટોલ ટેક્સ ચૂકવવાનું ટાળી શકો છો. જોકે, સેટેલાઇટ ટોલ સિસ્ટમ લાગુ થયા બાદ સરકાર કેટલા અંતર માટે કેટલો ટોલ ટેક્સ લગાવશે તે જાણી શકાશે.

કયા દેશમાં લાગુ છે સેટેલાઇટ આધારિત ટોલ સિસ્ટમ?

આ સિસ્ટમ હવે ભારતમાં લાગુ થવા જઈ રહી છે, પરંતુ પાંચ દેશો તેનો ઉપયોગ કરી રહ્યા છે. તે દેશોમાં જર્મની, હંગેરી, બલ્ગેરિયા, બેલ્જિયમ અને ચેક રિપબ્લિક જેવા દેશોના નામ સામેલ છે.