Ram Mandir News: અયોધ્યામાં વિશ્વની સૌથી મોટી સ્ક્રિન પર રામાયણ દેખાડાશે

જેમ જેમ અયોધ્યામાં રામ મંદિરના ઉદ્ઘાટનની તારીખ નજીક આવી રહી છે, તેમ-તેમ તેને લગતી વધુ રસપ્રદ માહિતી સામે આવી રહી છે. ભગવાન રામના જીવન પર આધારિત રામાયણ બતાવવા માટે અયોધ્યામાં ખાસ વ્યવસ્થા કરવામાં આવી છે. અયોધ્યામાં 200 ફૂટની સ્ક્રીન લગાવવામાં આવી છે. આ દુનિયાની સૌથી મોટી સ્ક્રીન હોવાનું કહેવાય છે. આ ઉપરાંત અહીં લાઇટ એન્ડ સાઉન્ડ શો થશે. જેના દ્વારા ભગવાન રામના જીવનની વિવિધ ઘટનાઓ બતાવવામાં આવશે.

આ સ્ક્રીન પર રામાયણના એપિસોડ સતત ચલાવવામાં આવશે, વહીવટીતંત્રે તેને આગામી પાંચ વર્ષ સુધી આ રીતે ચલાવવાની મંજૂરી આપી દીધી છે. રામની પૌરી પર એક મોટી સ્ક્રીન લગાવવામાં આવી છે. તમને જણાવી દઈએ કે, આ સ્ક્રીન રામની પૌરી પર લગાવવામાં આવી છે. ભારત અને વિદેશથી આવતા ભક્તો દરરોજ સાંજે રામ કી પૌરીમાં તેને જોઈ શકશે. આ સ્ક્રીનની ટ્રાયલ રન 5 નવેમ્બરથી શરૂ થશે.

કહેવાય છે કે આ એક્શન પ્લાનને જિલ્લા વહીવટી તંત્ર દ્વારા મંજૂરી આપવામાં આવી છે. આ લાઇટ એન્ડ સાઉન્ડ શો દિવાળી પહેલા શરૂ કરવામાં આવશે. રામ કો પડી પર એક સાથે 2 હજારથી વધુ લોકો તેને જોઈ શકશે. અત્રે ઉલ્લેખનીય છે કે રામ મંદિર પ્રાણ પ્રતિષ્ઠા કાર્યક્રમ 22 જાન્યુઆરી 2024ના રોજ યોજાનાર છે. આ પછી રામ મંદિર દર્શન માટે ખુલશે. દરમિયાન ત્યાં વિવિધ તૈયારીઓ ચાલી રહી છે. તૈયારીઓ વિશે વાત કરતા યુપીના મંત્રી જયવીર સિંહે કહ્યું કે આ વખતે દીપોત્સવનો કાર્યક્રમ 11 નવેમ્બરે યોજાશે. ગત વખતે 17 લાખ દીવા પ્રગટાવીને ગીનીસ બુક ઓફ રેકોર્ડમાં નામ નોંધાયું હતું, આ વખતે આ રેકોર્ડ તોડવા માટે 21 લાખ દીવા પ્રગટાવવાનો કાર્યક્રમ છે.

મંત્રીએ વધુમાં જણાવ્યું કે, દિવાળીથી શરૂ કરીને 22 જાન્યુઆરી સુધી વિવિધ રામલીલાઓ યોજાશે. અયોધ્યામાં પણ યોજાશે. આ સાથે સરયુ નદી પર લેસર શો વગેરેની પણ વ્યવસ્થા કરવામાં આવશે.