પાકિસ્તાને પ્રતિષ્ઠિત હિંગળાજ માતા મંદિર તોડી પાડ્યું, લાખો હિંદુઓની આસ્થા ધ્વસ્ત

કરાંચી : પાકિસ્તાનમાં લઘુમતીઓ સાથે કેવું વર્તન થાય છે, તેના અનેક કિસ્સાઓ પ્રકાશમાં આવતા રહે છે. મીડિયા રિપોર્ટ અનુસાર સિંધ પ્રાંતના મીઠી શહેરમાં એક પ્રતિષ્ઠિત હિંદુ મંદિરને ધ્વસ્ત કરી દેવામાં આવ્યું છે. થારપારકર જિલ્લાના અધિકારીઓનું કહેવું છે કે હિંગળાજ માતાના મંદિરને નષ્ટ કરવા માટે કોર્ટ તરફથી આધેશ મળ્યો હતો. જેનું પાલન થયું છે. આ એકમાત્ર મંદિર નહોતું જે ધાર્મિક લઘુમતીઓ પ્રત્યે પાકિસ્તાનની અસહિષ્ણુતાનો શિકાર થયો છે. રિપોર્ટમાં જણાવાયું છે કે, પાકિસ્તાની અધિકારીઓએ નિયંત્રણ રેખા પાસે શારદાપીઠ મંદિરના એક હિસ્સાને પણ ધ્વસ્ત કર્યો છે.