South Korea: કામના પ્રેશરથી રોબોટએ કરી 'આત્મહત્યા'! ઘટના જાણશો તો તમને પણ વિશ્વાસ નહીં થાય

રોબોટે કરી આત્મહત્યા

ડેઈલી મિરરના અહેવાલ મુજબ આ રોબોટ મહાનગરપાલિકાના કામમાં મદદ કરી રહ્યો હતો. મ્યુનિસિપલ કોર્પોરેશન ટીમના એક અધિકારીએ જણાવ્યું કે, રોબોટ લગભગ એક વર્ષથી ગુમી શહેરના રહેવાસીઓને વહીવટી કામમાં મદદ કરી રહ્યો છે. ગયા અઠવાડિયે સીડીની નીચે નિષ્ક્રિય હાલતમાં મળી આવ્યો. તેનો અર્થ એ કે તે એક્ટિવ ન હતો. અધિકારીએ કહ્યું કે પ્રત્યક્ષદર્શીઓએ રોબોટને પડતાં પહેલાં એવી રીતે ફરતો જોયો, જાણે કંઈક ગડબડ હોય. તે આત્મહત્યા કરવાની ઠીક પહેલા જ આમ કરી રહ્યો હતો. તેમણે કહ્યું કે ઘટનાના સંજોગો જાણવા માટે તપાસ કરવામાં આવી રહી છે.

VIDEO: અંબાણી પરિવારમાં હરખના તેડા, અનંત-રાધિકાના લગ્ન પહેલા ભરાયું 'મામેરું'

રોબોટ સવારે 9 થી સાંજના 6 વાગ્યા સુધી કામ કરતો 

અધિકારીએ વધુમાં કહ્યું કે, 'રોબોટના ભાગોને એકત્ર કરવામાં આવ્યા છે અને તેને ડિઝાઇન કરનાર કંપની તેનું વિશ્લેષણ કરશે.' અન્ય એક અધિકારીએ અફસોસ વ્યક્ત કરતા કહ્યું કે, 'તે સત્તાવાર રીતે શહેરની મ્યુનિસિપાલિટીનો હિસ્સો હતો અને તે અમારામાંથી જ એક હતો.' કેલિફોર્નિયામાં બેર રોબોટિક્સ દ્વારા વિકસાવવામાં આવેલ આ રોબોટ સવારે 9 થી સાંજના 6 વાગ્યા સુધી કામ કરતો હતો અને તેનું પોતાનું પબ્લિક સર્વિસ કાર્ડ પણ હતું. એક માળ સુધી મર્યાદિત અન્ય રોબોટ્સથી વિપરીત, તે એલિવેટરને કૉલ કરી શકે છે અને ફ્લોર ઉપર અને નીચે જઈ શકે છે.

દર દસ કામદારો પર એક રોબોટ 

સ્થાનિક અખબારોએ આ સ્ટોરી કવર કરી છે. એકના હેડિંગમાં પૂછવામ આવ્યું, 'આ મહેનતુ પબ્લિક સર્વન્ટે આ પ્રકારનો વ્યવહાર કેમ કર્યો?' અથવા શું 'રોબોટ માટે કામ ખૂબ મુશ્કેલ હતું.' ઇન્ટરનેશનલ ફેડરેશન ઓફ રોબોટિક્સ અનુસાર, દક્ષિણ કોરિયા રોબોટ્સ પ્રત્યેના પોતાના આકર્ષણ માટે જાણીતું છે, જેમાં દર દસ કામદારો પર એક રોબોટ છે.