વીજળી પડતા પહેલા આ સળિયા તેને ખેંચી લે છે, વૈજ્ઞાનિકોએ લાઈફ સેવિંગ ટેકનિકનો સફળ ટેસ્ટ કર્યો

બ્રાઝિલના વૈજ્ઞાનિકોએ સાઓ પાઉલો શહેરના ઉત્તર-પૂર્વમાં સ્થિત સાઓ જોસ ડોસ કેમ્પોસ રહેણાંક ઇમારતો પર ઇલેક્ટ્રિક સળિયા સ્થાપિત કર્યા હતા. ત્યાં, વૈજ્ઞાનિકોએ માત્ર 450 ફૂટ દૂર હાઈ-સ્પીડ વીડિયો કેમેરા લગાવ્યા. જેથી સળિયા તરફ આકાશમાં ફેંકાતા ઈલેક્ટ્રિકલ ડિસ્ચાર્જ અને વીજળીના મળવાની તસવીર લઈ શકાય.

બ્રાઝિલના સળિયા આકાશી વીજળી ખેંચી લે છે
નેશનલ ઇન્સ્ટિટ્યૂટ ફોર સ્પેસ રિસર્ચના વરિષ્ઠ સંશોધક માર્સેલો એમ.એફ સબાએ જણાવ્યું હતું કે, અમે 31 ઇલેક્ટ્રિકલ ડિસ્ચાર્જ રેકોર્ડ કર્યા છે, જે વીજળીને આકર્ષિત કરતા જોવા મળ્યા હતા. આકાશમાં હવામાન બદલાતાની સાથે જ આ સળિયા સક્રિય થઈ જાય છે. તે તરત જ પોઝિટિવ બનીને આકાશમાંથી આવતી નેગેટિવ ચાર્જવાળી વીજળીને ખેંચે છે. તે પણ ત્યારે જ્યારે વીજળી સીધી તેના પર પડતી નથી. લોકોને બચાવવાની આ એક સરસ રીત છે.

ફ્રેન્કલીને 18મી સદીમાં સળિયાની શોધ કરી હતી
સામાન્ય રીતે આ સળિયા તાંબા અથવા એલ્યુમિનિયમના બનેલા હોય છે. જેની શોધ 18મી સદીમાં બેન્જામિન ફ્રેન્કલીને કરી હતી. સાઓ જોસ ડોસ કેમ્પોસમાં વૈજ્ઞાનિકો દ્વારા સ્થાપિત કેમેરા દર સેકન્ડે 40,000 ફોટો લે છે. આ કેમેરાએ તેની સ્પષ્ટ તસવીરો લીધી હતી. સ્લો-મોશન વીડિયો પણ બનાવ્યો. આ અભ્યાસ જિયોફિઝિકલ રિસર્ચ લેટર્સમાં પ્રકાશિત થયો છે.

ગ્રીસમાં લેસર મારીને વીજળીની દિશા બદલાઈ હતી
થોડા મહિના પહેલા ગ્રીસના વૈજ્ઞાનિકોએ આકાશમાં રેપિડ ફાયરિંગ લેસર દ્વારા વીજળીની દિશા બદલી હતી. આ પ્રયોગ દ્વારા, એ સ્થાપિત કરવામાં આવ્યું છે કે ઇમારતો પર વીજળીના સળિયાને બદલે, લેસર બીમનો પણ ઉપયોગ કરી શકાય છે. જેના કારણે વીજળી પડવાથી જાન-માલનું નુકસાન થશે નહીં. જો કે, આ પ્રયોગને સંપૂર્ણ રીતે વિકસાવવામાં સમય લાગશે.

ગયા વર્ષે અમેરિકામાં મેગાફ્લેશ જોવા મળી હતી
ગત વર્ષે અમેરિકાના વૈજ્ઞાનિકોએ 768 કિલોમીટર લાંબી વીજળી રેકોર્ડ કરી હતી. તેને મેગાફ્લેશ નામ આપવામાં આવ્યું હતું. કારણ કે તે વિશ્વની સૌથી લાંબી વીજળી હતી. જ્યારે તે ચમકી, ત્યારે તે ટેક્સાસથી મિસિસિપી સુધી જોવા મળી. વૈજ્ઞાનિકોએ તેને સેટેલાઇટ દ્વારા રેકોર્ડ કરી હતી. વર્લ્ડ મેટ્રોલોજીકલ ઓર્ગેનાઈઝેશન (WMO) દ્વારા પણ આ વાતની પુષ્ટિ કરવામાં આવી છે. સારી વાત એ છે કે બંને મેગાફ્લેશ પૃથ્વીને સ્પર્શી નથી. અન્યથા મોટી દુર્ઘટના આવી શકી હોત.

તમારા વ્હોટ્સએપ પર વધારે સમાચારો અને બ્રેકિંગ ન્યૂઝ મેળવવા માટે ક્લિક કરો…