મહાકૌભાંડ: શિક્ષકોની ભરતીમાં નકલી દિવ્યાંગ સર્ટિફિકેટના આધારે 66 ઉમેદવારો ભરતી થયા

MP Teacher Recruitment Fraud : મધ્યપ્રદેશના શિક્ષક ભરતી ગોટાળામાં જેમ જેમ તપાસ આગળ વધતી જાય છે તેમ તેમ નવા નવા ગોટાળાઓ સામે આવી રહ્યા છે. મુરૈના બાદ હવે ગ્વાલિયરમાં પણ શિક્ષક ભરતી ગોટાળાનો ખુલાસો થયો છે. વર્ષ 2018 માં થયેલા શિક્ષક ભરતી પરિક્ષામાં 184 દિવ્યાંગ સર્ટિફિકેટના આધારે શિક્ષકના પદ પર નિયુક્ત થયા હતા. આ નિયુક્ત થયેલા શિક્ષકોના સર્ટિફિકેટની તપાસ કરવામાં આવી તો તેમાં 66 ટીચરના સર્ટિફિકેટ નકલી સાબિત થયા હતા. આ મામલે પોલીસે નકલી સર્ટિફિકેટના આધારે ભરતી થયેલા શિક્ષકો વિરુદ્ધ કેસ દાખલ કર્યો છે.