MP: ઉજ્જૈનમાં Sardar Patel ની પ્રતિમાને ટ્રેક્ટરથી ખેંચીને નીચે પાડી દેવામાં આવી, પોલીસ માત્ર જોતી રહી!

પ્રતિમા સ્થાપિત કરવાને લઈને બે જૂથમાં વિવાદ

મળતી માહિતી મુજબ, માકડોનના મંડી ગેટ પર પ્રતિમા સ્થાપિત કરવાને લઈને ઘણા સમયથી વિવાદ ચાલી રહ્યો હતો. પોલીસ અધિક્ષક સચિન શર્માએ જણાવ્યું કે, આ મામલે તપાસ ચાલી રહી છે. સ્થળ પર પોલીસ ટીમ તૈનાત કરવામાં આવી છે. આ સિવાય દોષિતો વિરુદ્ધ FIR નોંધવામાં આવી રહી છે.

Ujjain में मूर्ति तोड़ने की घटना के दौरान पुलिसवालों की तस्वीरें आई सामने, कोई रोकने नहीं पहुंचा ! | MP Tak@DrMohanYadav51 @collectorUJN #ujjain pic.twitter.com/ZZ2cRfFTYF

— MP Tak (@MPTakOfficial) January 25, 2024

ટ્રેક્ટરથી સરદાર પટેલની પ્રતિમા પાડી દેવાઈ

તમને જણાવી દઈએ કે, આ ઘટનાનો એક વીડિયો સોશિયલ મીડિયા પર સામે આવ્યો છે, જેમાં લોકોનું એક જૂથ ટ્રેક્ટરની મદદથી સરદાર વલ્લભભાઈ પટેલની પ્રતિમાને નીચે પાડતું જોવા મળે છે. પોલીસ સૂત્રોએ જણાવ્યું હતું કે, તેઓ સરદાર વલ્લભભાઈ પટેલને બદલે તે જગ્યાએ ડૉ. આંબેડકરની પ્રતિમા સ્થાપિત કરવા માંગે છે. બુધવારે મોડી રાત્રે માકડોન બસ સ્ટેન્ડ પાસેની જગ્યા પર સરદાર વલ્લભભાઈ પટેલની પ્રતિમા સ્થાપિત કરવામાં આવી હતી.

#WATCH | Ujjain, Madhya Pradesh | ASP Guru Prasad Parashar says, "A statue of an eminent great leader installed at the intersection of Krishi Upaj Mandi was vandalised by persons of a particular community today. This led to clashes between the two groups. The situation is normal.… pic.twitter.com/Khi820U4Hh

— ANI MP/CG/Rajasthan (@ANI_MP_CG_RJ) January 25, 2024

માકડોનમાં પોલીસ ટીમ તૈનાત કરવામાં આવી

અધિક પોલીસ અધિક્ષક (ગ્રામીણ) નીતીશ ભાર્ગવે PTIને ફોન પર જણાવ્યું હતું કે, પ્રતિમા ક્યારે સ્થાપિત કરવામાં આવી હતી તે અંગે તેઓ પૂછપરછ કરી રહ્યા હતા. તેમણે કહ્યું કે, તપાસ ચાલી રહી છે ત્યારબાદ એફઆઈઆર નોંધવામાં આવશે. જ્યારે તેમને પૂછવામાં આવ્યું કે પથ્થરમારામાં કેટલા લોકો ઘાયલ થયા છે, તો તેમણે કહ્યું કે અત્યાર સુધી અમને કોઈએ તેની જાણ કરી નથી. નીતિશ ભાર્ગવે કહ્યું કે વધારાની પોલીસ ટીમ તૈનાત કરવામાં આવી છે. સ્થિતિ સંપૂર્ણપણે નિયંત્રણમાં છે. અમે માકડોન વિસ્તારમાં બે સમુદાયના સભ્યો દ્વારા ફેંકવામાં આવેલા પથ્થરોને સ્થળ પરથી હટાવી દીધા છે.