પંજાબના ભટિંડામાં મિલિટરી સ્ટેશન પર ફાયરિંગઃ 4 જવાન શહીદ, વિસ્તાર સીલ

Urvish Patel

પંજાબના ભટિંડા મિલિટરી સ્ટેશન પર ફાયરિંગ થયું છે. આ ઘટનામાં ચાર જવાનો શહીદ થયા છે. ઘટના સવારે 4.35 વાગ્યાની જણાવવામાં આવી રહી છે.

ભટિંડાઃ પંજાબના ભટિંડા મિલિટરી સ્ટેશન પર ફાયરિંગ થયું છે. આ ઘટનામાં ચાર જવાનો શહીદ થયા છે. ઘટના સવારે 4.35 વાગ્યાની જણાવવામાં આવી રહી છે. ફાયરિંગનું કારણ હજુ જાણવા મળી રહ્યું છે. સાથે જ સર્ચ ઓપરેશન પણ ચાલુ છે. સમગ્ર વિસ્તારને કોર્ડન કરી લેવામાં આવ્યો છે.

વિસતાર સીલ કરી દેવાયો
બીજી તરફ ભટિંડાના એસએસપી જીએસ ખુરાનાએ જણાવ્યું છે કે આ આતંકવાદી હુમલો નથી. અંદર કંઈક બાબત છે. અમારી ટીમ બહાર રાહ જોઈ રહી છે. અત્યારે સેનાએ અમને અંદર જવાની પરવાનગી આપી નથી. ઘટનાની માહિતી મળ્યા બાદ ક્વિક રિએક્શન ટીમોને એલર્ટ કરી દેવામાં આવી છે. વિસ્તારને સીલ કરી દેવામાં આવ્યો છે. સેનાના સાઉથ વેસ્ટર્ન કમાન્ડે એક નિવેદનમાં જણાવ્યું હતું કે વિસ્તારને ઘેરી લેવામાં આવ્યો છે અને ઝડપી પ્રતિક્રિયા ટીમો સર્ચ ઓપરેશન ચલાવી રહી છે.

#WATCH पंजाब:बठिंडा मिलिट्री स्टेशन के अंदर आज तड़के करीब 04:35 बजे फायरिंग की घटना में चार लोग हताहत हुए।

(वीडियो बठिंडा मिलिट्री स्टेशन के बाहर की है) pic.twitter.com/50rlAt3G33

— ANI_HindiNews (@AHindinews) April 12, 2023

પંજાબ પોલીસના સૂત્રો પાસેથી જાણવા મળ્યું છે કે આર્મી કેન્ટ ભટિંડા જિયો મેસમાં ગોળીબાર થયો છે. આર્મી કેન્ટના તમામ પ્રવેશ દ્વાર બંધ કરી દેવામાં આવ્યા છે. લગભગ 2 દિવસ પહેલા, ઇન્સાસ રાઇફલ સહિત 28 કારતુસ પણ ગુમ થયા હતા. આ ઘટના પાછળ સેનાના કેટલાક જવાનોનો હાથ હોઈ શકે છે. હાલમાં સેનાએ સ્થાનિક પોલીસને કેન્ટોનમેન્ટ વિસ્તારમાં પ્રવેશવા દીધો નથી.