‘ગદર 2’ ફિલ્મ વિવાદના વંટોળમાં ફસાઈ, થઈ શકે છે કાનૂની કાર્યવાહી

ગુરુદ્વારા સાહિબના મેનેજર સતબીર સિંહ અને સેક્રેટરી શિવ કંવર સિંહ સંધુએ ફિલ્મ ‘ગદર 2’ના શૂટિંગ વિશે જણાવ્યું કે ફિલ્મની ટીમ અહીં શૂટિંગ માટે આવી હતી. તેમનું સેવાકીય વલણ સાથે સ્વાગત કરવામાં આવ્યું હતું. એક વીડિયો પોસ્ટ વાયરલ થયો હતો, જેમાં જોવામાં આવ્યું હતું કે સની દેઓલ ગુરુદ્વારા સાહિબની અંદર કંઈક વાંધાજનક કૃત્ય કરી રહ્યો છે.

જાણો શું છે વાંધાજનક
“આ ઘટનાથી ગુરુદ્વારાના સંચાલકો અને શીખ સંગતને દુઃખ અને વેદના થઈ છે. શૂટિંગને લઈને અમારો કોઈ ખરાબ ઈરાદો નહોતો. શૂટીંગની પરવાનગી બૈસાખીનો તહેવાર બતાવવા માટે લેવામાં આવી હતી. અંદર ચુંબન કર્યું અને ગળે લગાવ્યું. આ ખોટું છે. શુટીંગ દરમિયાન વાંધાજનક ઘટના બની હતી જેની અમને પહેલા જાણ નહોતી.પરંતુ વિડીયો જોયો ત્યારે ખબર પડી 20 મેના રોજ થઈ હતી.”

22 વર્ષ બાદ બની ગદરની સિક્વલ
વર્ક ફ્રન્ટની વાત કરીએ તો સની દેઓલે ફિલ્મોમાં કમબેક કર્યું છે. જોકે તે વર્ષમાં માત્ર એક જ ફિલ્મ કરે છે. તે બોક્સ ઓફિસ પર પણ કંઈ ખાસ પ્રદર્શન કરે તેવું લાગતું નથી. ગયા વર્ષે તેની ફિલ્મ ‘ચુપ’ આવી હતી. જેમાં સનીએ પોલીસ ઓફિસરની ભૂમિકા ભજવી હતી. આ વર્ષે અભિનેતાની ફિલ્મ ‘ગદર 2’ આવી રહી છે જે ‘ગદર’ની સિક્વલ છે. આ ફિલ્મમાં અમીષા પટેલ પણ લીડ રોલમાં જોવા મળશે. 22 વર્ષ બાદ આ ફિલ્મની સિક્વલ બની છે. ટૂંક સમયમાં જ આ ફિલ્મ સિનેમાઘરોમાં રિલીઝ થશે અને તેનું ટ્રેલર પણ સામે આવશે, જેની ચાહકો આતુરતાથી રાહ જોઈ રહ્યા છે.