મોર્નિંગ વોક પર નીકળેલા વૃદ્ધને 10-12 કૂતરાએ બચકા ભરી ભરીને મોતને ઘાટ ઉતારી દીધા, ઘટના CCTVમાં કેદ

મોર્નિંગ વોક માટે નીકળેલા વૃદ્ધ પર હુમલો
રવિવારે સવારે AMU કેમ્પસમાં એક વૃદ્ધની લાશ પડી હતી. આ જાણકારી પોલીસને આપી. આ ઘટના ત્યારે પ્રકાશમાં આવી જ્યારે પોલીસ પહોંચી અને આસપાસના સીસીટીવી કેમેરાની તપાસ કરી. એવું કહેવાઈ રહ્યું છે કે જિલ્લાના સિવિલ લાઇન પોલીસ સ્ટેશન વિસ્તારના રહેવાસી 65 વર્ષીય ડૉ. સફદર અલી સવારે લગભગ 6.30 વાગ્યે મોર્નિંગ વોક માટે નીકળ્યા હતા.

10-12 કૂતરાઓના ટોળાએ હુમલો કર્યો
આ દરમિયાન લગભગ 10-12 કૂતરાઓના ટોળાએ તેના પર હુમલો કર્યો. શ્વાનોએ સફદરની બચકા ભરી ભરીને મોતને ઘાટ ઉતારી દીધા. આ ઘટના નજીકમાં લાગેલા સીસીટીવી ફૂટેજમાં કેદ થઈ ગઈ હતી. કહેવામાં આવ્યું છે કે મૃતદેહની માહિતી મળતા જ પોલીસ અધિકારીઓ ડોગ સ્ક્વોડ, ફિલ્ડ યુનિટ અને ફોરેન્સિક ટીમ સાથે ઘટનાસ્થળે પહોંચી ગયા હતા. ફોરેન્સિક અને ફિલ્ડ યુનિટની ટીમે સ્થળ પરથી સેમ્પલ લીધા છે.

Disturbing visual

A 65-year-old man on morning walk, was mauled to death by pack of stray dogs inside #Aligarh Muslim University Campus. The victim was identified as Safadar Ali.#StrayDogMenace #AMU #DogAttack pic.twitter.com/7sJHG5P88O

— Arvind Chauhan 💮🛡️ (@Arv_Ind_Chauhan) April 16, 2023

પોલીસ મોતનું કારણ શોધી રહી છે
એસપી સિટી કુલદીપ સિંહ ગુણવતે જણાવ્યું કે, નજીકમાં લગાવેલા સીસીટીવી ફૂટેજમાં જાણવા મળ્યું છે કે મૃતક પર રખડતા શ્વાનના ટોળાએ હુમલો કર્યો હતો. સંભવતઃ મૃત્યુ કૂતરાના હુમલાથી થયું હોવાનું જણાય છે, તેમ છતાં મૃત્યુનું ચોક્કસ કારણ જાણવા માટે મૃતદેહનો કબજો લઈ પોસ્ટમોર્ટમ માટે મોકલી આપવામાં આવ્યો છે.