ખેડામાં ગરબામાં પથ્થરમારો કરનારા તોફાની તત્વોને પોલીસે જાહેરમાં આપી થર્ડ ડિગ્રી, VIDEO વાઈરલ

આરોપીઓને લાકડીથી મારી માફી મગાવી
ખેડા જિલ્લા પોલીસ દ્વારા આ પથ્થરમારામાં ડિટેઈન કરાયેલા આરોપીઓને જાહેરમાં ચોક વચ્ચે લઈ જવામાં આવ્યા હતા અને થર્ડ ડિગ્રી આપવામાં આવી હતી. સમગ્ર ઘટનાનો વીડિયો હાલમાં વાઈરલ થઈ રહ્યો છે. જેમાં જોઈ શકાય કે તોફાની તત્વોમાં દાખલો બેસાડી શકાય એટલે તેમને લાઈટના થાંભલા સામે ઊભા રાખવામાં આવે છે અને બાદમાં પોલીસ તેમને લાકડીથી થર્ડ-ડિગ્રી આપે છે, અને જાહેરમાં તેમની પાસે માફી મગાવે છે.

ખેડામાં ગરબામાં પથ્થરમારો કરનારા અસામાજિક તત્વોને પોલીસે જાહેરમાં આપી થર્ડ ડિગ્રી#kheda #Garba pic.twitter.com/nbsGeTdesZ

— Gujarat Tak (@GujaratTak) October 4, 2022

ગરબા દરમિયાન થયો હતો પથ્થરમારો
સ્થાનિક લોકોએ કહ્યું કે સરપંચે માનતા રાખી હતી કે તેઓ જીતશે તો પાંચ રાઉન્ડ ગરબા કરશે. જોકે આ દરમિયાન પ્રિપ્લાન ષડયંત્ર કહી શકાય એમ સરપંચ જેવા ગરબે ઘૂમ્યા કે ગણતરીની મિનિટોમાં અન્ય સમુદાયના લોકોએ પથ્થરમારો શરૂ કરી દીધો હતો.

DJનું સાઉન્ડ બંધ કરવા મુદ્દે થઈ હતી તકરાર
ઉલ્લેખનીય છે કે સૌથી પહેલા તો અન્ય સમુદાયના લોકોએ અહીં ગરબા ન રમવા તથા ડીજેના સાઉન્ડને બંધ રાખવા ટકોર કરી હતી. તેના સામે લોકોએ કહ્યું કે અમે કેમ ગરબા ન રમીએ. બસ આ દરમિયાન વાતચીત થઈ તેમાં અન્ય સમુદાયના લોકોના એક જૂથે પથ્થર મારો કર્યો હતો. જેમાં 6 લોકોને ગંભીર ઈજા પહોંચી હતી. અત્યારે તેઓ સારવાર હેઠળ છે.

(વિથ ઈનપુટ: હેતાલી શાહ)