શાહબાઝ શરીફની PM મોદીને અપીલને લઈને અમેરિકાએ આપી પ્રતિક્રિયા

યુએસ સ્ટેટ ડિપાર્ટમેન્ટના પ્રવક્તાએ કહ્યું…
યુએસ સ્ટેટ ડિપાર્ટમેન્ટના પ્રવક્તા નેડ પ્રાઈસે સોમવારે વોશિંગ્ટનમાં એક પ્રેસ બ્રીફિંગમાં કહ્યું, ‘અમે લાંબા સમયથી દક્ષિણ એશિયામાં પ્રાદેશિક સ્થિરતા ઈચ્છીએ છીએ. પરંતુ ભારત અને પાકિસ્તાન વચ્ચેની કોઈપણ વાતચીતનો અવકાશ, મંત્રણામાં કોઈ પ્રગતિ અને વાટાઘાટોનું સ્વરૂપ બંને દેશો વચ્ચેનો મુદ્દો છે. પ્રાઇસે કહ્યું કે ક્ષેત્રીય સ્થિરતા માટે બંને દેશો વચ્ચે શાંતિ ખૂબ જ મહત્વપૂર્ણ છે અને અમેરિકા લાંબા સમયથી આ ક્ષેત્રમાં શાંતિની માંગ કરી રહ્યું છે. ‘અલબત્ત અમે પ્રદેશમાં સ્થિરતા જોવા માંગીએ છીએ.’

બોલો… જામનગરમાં સરકારી શાળામાં પ્રિન્સિપાલ અંધારામાં? ઉજવી નાખ્યો લગ્ન પ્રસંગ

પ્રાઇસ પાકિસ્તાન સાથે અમેરિકાના સંબંધો પર વાત કરી હતી
ઈમરાન ખાનની સરકાર દરમિયાન પાકિસ્તાન અને અમેરિકા વચ્ચેના સંબંધોમાં થોડી ખટાશ આવી હતી. ઈમરાન ખાને અમેરિકા કરતાં રશિયા સાથેના સંબંધોને વધુ મહત્વ આપવાનું શરૂ કર્યું. જ્યારે પાકિસ્તાનમાં ખાન વિરુદ્ધ વાતાવરણ તૈયાર થઈ રહ્યું હતું ત્યારે તે અમેરિકા પર સતત હુમલા કરી રહ્યો હતો. તેમણે આરોપ લગાવ્યો કે અમેરિકાની સાથે વિપક્ષ તેમને સત્તા પરથી હટાવવા માંગે છે. થોડા સમય પછી ઈમરાન ખાન પાકિસ્તાનની સંસદમાં બહુમત સાબિત કરી શક્યા ન હતા અને તેમની ખુરશી ગુમાવી હતી.

શાહબાઝ શરીફ સત્તામાં આવ્યા બાદ બંને દેશોના સંબંધો પાટા પર પાછા આવવા લાગ્યા છે. નેડ પ્રાઈસને અમેરિકા-પાકિસ્તાન સંબંધો પર પણ સવાલ કરવામાં આવ્યો હતો, જેના જવાબમાં તેમણે કહ્યું હતું કે અમેરિકા પાકિસ્તાનમાં કોઈપણ ચૂંટાયેલી સરકાર સાથે વાતચીત કરવા તૈયાર છે અને તેની સાથે કામ કરશે. તેમણે કહ્યું, ‘પાકિસ્તાન અમારું ભાગીદાર છે. અમે ઘણી રુચિઓ શેર કરીએ છીએ. અમે પાકિસ્તાનની તમામ સરકારો સાથે સારા સંબંધો રાખવાની અમારી ઈચ્છા દર્શાવી છે. જો કે, નેડ પ્રાઈસે ચોક્કસપણે કહ્યું કે અમેરિકા પાકિસ્તાનની સરકારોને તેમના દ્વારા અપનાવવામાં આવેલી નીતિઓના આધારે જજ કરે છે.

Team india ICC Ranking: રોહિત બ્રિગેડ સામે વિશ્વ નતમસ્તક, વિશ્વની નં.1 ટીમ

ભારત સાથે વાતચીત અંગે શાહબાઝ શરીફે શું કહ્યું?
શાહબાઝ શરીફે UAEની ન્યૂઝ ચેનલ અલ-અરેબિયાને આપેલા ઈન્ટરવ્યુમાં કહ્યું હતું કે તેઓ ભારતના વડાપ્રધાન નરેન્દ્ર મોદી સાથે ઈમાનદાર વાતચીત ઈચ્છે છે. તેમણે કહ્યું કે ભારત અને પાકિસ્તાન વચ્ચે ભૂતકાળમાં ઘણા યુદ્ધો થયા હતા, જેમાં ઘણું નુકસાન થયું હતું. પાકિસ્તાને તેનો પાઠ શીખી લીધો છે અને હવે તે કાશ્મીર સહિત અન્ય તમામ પડતર મુદ્દાઓ પર ભારત સાથે ગંભીર વાતચીત કરવા માંગે છે. શરીફે પોતાની વાતચીતમાં એમ પણ કહ્યું કે UAE બંને દેશોને વાટાઘાટોના ટેબલ પર લાવવામાં મોટી ભૂમિકા ભજવી શકે છે. શરીફના નિવેદનના એક દિવસ પછી, વડા પ્રધાન કાર્યાલયે તેમના નિવેદન પર સ્પષ્ટતા જારી કરીને કહ્યું કે બંને દેશો વચ્ચે વાતચીત ત્યારે જ શક્ય છે જ્યારે ભારત જમ્મુ-કાશ્મીરમાં કલમ 370 પુનઃસ્થાપિત કરે. પાકિસ્તાન તરફથી આવી રહેલા આ નિવેદનો પર ભારતે હજુ સુધી કોઈ પ્રતિક્રિયા આપી નથી.