‘બોલિવૂડના સર્કિટ’છેડછાડ કરતા પકડાયા, અરશદ વારસી પર સેબીએ લગાવ્યો પ્રતિબંધ!

સેબીને એવી ફરિયાદો મળી રહી હતી કે સાધના બ્રોડકાસ્ટ સ્ટોકના ભાવમાં હેરાફેરી કરવામાં આવી રહી છે. જે યુનિટ  આ કામ કરી રહ્યા છે તેઓ પણ શેર પાછા ખેંચી રહ્યા છે. આ મામલાની તપાસ કરતા, માર્કેટ રેગ્યુલેટરે ગુરુવારે અભિનેતા અરશદ વારસી, તેની પત્ની મારિયા ગોરેટી અને સાધના બ્રોડકાસ્ટના પ્રમોટર્સ સહિત 44 કંપનીઓને સિક્યોરિટીઝ માર્કેટમાં ટ્રેડિંગ કરવા પર પ્રતિબંધ મૂક્યો હતો. સિક્યોરિટી માર્કેટમાંથી જે બ્રોડકાસ્ટ કંપનીના પ્રમોટર પર પ્રતિબંધ મૂકવામાં આવ્યો છે તેમાં શ્રેયા ગુપ્તા, ગૌરવ ગુપ્તા, સૌરભ ગુપ્તા, પૂજા અગ્રવાલ અને વરુણ એમ. નો સમાવેશ થાય છે.

લોકોને લાલચાવવા વિડીયો અપલોડ કરવામાં આવ્યા 
પીટીઆઈના અહેવાલ મુજબ, સેબીને જે ફરિયાદો મળી રહી હતી, તેમાં એવો આક્ષેપ કરવામાં આવ્યો હતો કે, રોકાણકારોને લલચાવવાના હેતુથી ભ્રામક સામગ્રી સાથેના આવા વીડિયો અપલોડ કરવામાં આવ્યા હતા. આ ફરિયાદો પર સેબીએ ગયા વર્ષે એપ્રિલ-સપ્ટેમ્બરમાં આ મામલાની તપાસ શરૂ કરી હતી. તપાસમાં સામે આવ્યું છે કે વીડિયો અપલોડ થયા બાદ સાધના બ્રોડકાસ્ટના શેર આસમાને પહોંચ્યા હતા અને પ્રમોટર્સે ઘણી કમાણી કરી હતી.

54 કરોડ રૂપિયા જપ્ત કરવાનો આદેશ
આ સિવાય સેબીએ વીડિયો દ્વારા કમાવેલ ગેરકાયદેસર નફોમાંથી લગભગ 54 કરોડ રૂપિયા જપ્ત કરવાનો આદેશ પણ જાહેર કર્યો છે. રિપોર્ટ અનુસાર, આ કેસમાં અરશદ વારસીને 29.43 લાખ રૂપિયાનો નફો થયો, જ્યારે તેની પત્નીને 37.56 લાખ રૂપિયાનો નફો થયો. આ ઉપરાંત ઈકબાલ હુસેન વારસીએ રૂ.9.34 લાખનો લાભ લીધો હતો. સેબીએ તેના વચગાળાના આદેશમાં કહ્યું કે આ યુટ્યુબ વીડિયો ખોટા અને ભ્રામક સમાચાર ફેલાવે છે. તેમણે રોકાણકારોને અસાધારણ નફાની લાલચ આપીને સાધનાનો સ્ટોક ખરીદવા માટે પ્રેરિત કર્યા.

આ પણ વાંચો: સુષ્મિતા સેનને આવ્યો હાર્ટ એટેક, એન્જિયોપ્લાસ્ટી અંગે માહિતી આપી

જાણો શું કહ્યું હતું વિડીયોમાં 
આ મામલામાં જે યુટ્યુબ વિડિયો બહાર પાડવામાં આવ્યો હતો તેમાં રોકાણકારોને લલચાવવા માટે કહેવામાં આવ્યું હતું કે અદાણી ગ્રુપે સાધના બ્રોડકાસ્ટ લિમિટેડને ખરીદી લીધી છે અને તે હસ્તગત કરવા જઈ રહી છે. વીડિયોમાં ડીલ બાદ કંપનીના માર્જિનમાં વધારો થયો હોવાનો દાવો કરવામાં આવ્યો હતો. પીટીઆઈના જણાવ્યા અનુસાર, આ યુટ્યુબ વિડિયો રિલીઝ થયા બાદ સાધના બ્રોડકાસ્ટની કિંમત અને ટ્રેડિંગ વોલ્યુમમાં જોરદાર વધારો થયો છે. દરમિયાન શેરધારકો, પ્રમોટરો, તેમના હિસ્સાનો નોંધપાત્ર હિસ્સો ઊચા ભાવે વેચી દીધો અને નફો વસૂલ્યો.

તમારા વ્હોટ્સએપ પર વધારે સમાચારો અને બ્રેકિંગ ન્યૂઝ મેળવવા માટે ક્લિક કરો…