નવરાત્રી પહેલા અંબાજી મંદિરમાં માતાની પૂજનવિધિના સમયમાં થયા ફેરફાર, જાણો સમગ્ર કાર્યક્રમ

જાણો નવો કાર્યક્રમ…
મા અંબાના મંદિરમાં ભગવાનના દર્શન કરવા માટે સમયના માળખામાં ફેરફાર કરવામાં આવ્યો છે. આ દરમિયાન આસો સુદ એકમથી અહીં નવું સમયપત્રક જાહેર કરવામાં આવશે.

• આસુ સુદ એકમથી આરતીનો સમય સવારે 7.30 વાગ્યાથી 8.00 વાગ્યાનો રહેશે.
• માતાજીના દર્શન કરવા માટે સવારે 8થી 11.30 વાગ્યા સુધીનો સમય રખાયો છે.
• અંબાજી માતાને બપોરે 12 વાગ્યે રાજભોગ ધરાવવામાં આવશે
• રાજભોગ પછી બપોરે 12.30થી 4.15 વાગ્યા સુધી દર્શન કરવાનો સમય રખાયો છે
• સાંજની આરતી 6.30થી 7 વાગ્યા સુધી રહેશે.
• મા અંબાના ભક્તો સાંજે 07:00 થી 9:00 વાગ્યા સુધી માતાજીના દર્શન કરી શકશે.

નવરાત્રીમાં શું વરસાદ મજા બગાડશે?
આગામી 26 સપ્ટેમ્બરથી નવરાત્રી મહોત્સવનો પ્રારંભ થઇ રહ્યો છે. કોરોનાને પગલે નવરાત્રીના આયોજનો પર પ્રતિબંધ લાદી દેવાયો હતો.જો કે આ વર્ષે ગુજરાતીઓ ભરપુર નવરાત્રી માણી લેવાના મુડમાં છે. જો કે તેમાં વરસાદ વેરી બને તેવી શક્યતા છે. જો કે વરસાદ વેરી માત્ર દક્ષિણ ગુજરાતમાં જ બની શકે છે. અન્ય વિસ્તારોમાં વરસાદ નહી પડે તેવી હવામાન વિભાગ દ્વારા આગાહી કરી છે. જેથી સુરતને બાદ કરતા અન્ય તમામ મહાનગરોમાં નવરાત્રીની રંગેચંગે ઉજવણી થઇ શકશે.

નવરાત્રિની પૂજનવિધિઃ

• નોરતાના પહેલા દિવસે માતાજીીના મંદિરમાં ઘટ સ્થાપના વિધિ કરાશે. જે સવારે 9થી 10.30 વાગ્યે કરાશે.
• આસો સુદ આઠમે માતાજીની મંગળા આરતી સવારે 6 વાગ્યે કરાશે. જ્યારે સવારે 11.46 વાગ્યે ઉત્થાપન વિધિનું આયોજન કરાશે.
• વિજયા દશમી પૂજન આસો સુદ દશમના રોજ સાંજે 5 વાગ્યે થશે
• જ્યારે આસો સૂદ પૂનમે સવારે 6 વાગ્યે મંગળા આરતી કરાશે