ચોમાસામાં ફરવા જતા પહેલા આ વાંચીલો, મુસાફરી દરમિયાન નહીં પડે તકલીફ!

ચોમાસામાં ફરવા જતા પહેલા કેવી રીતે કરવું આયોજન?

• વરસાદની ઋતુમાં જોખમી પર્વતીય વિસ્તારોમાં જવાનું ટાળવું. (ભૂસ્ખલનની સમસ્યાના કારણે)
• વરસાદની ઋતુમાં જંગલ વિસ્તારોમાં પ્રવાસ ન કરવો. (સાપ-વીંછી જેવા ઝેરી જીવડાં બહાર આવતા હોય છે)
• ક્યાં જવું, કેવી રીતે જવું, કયા રસ્તે જવું અને ક્યાં રહેવું તે પ્રશ્નો અંગે કોઈ શંકા ન હોવી જોઈએ.

ચોમાસામાં ફરવા જતા પહેલા કઈ બાબતોનું ધ્યાન રાખવું?

• જ્યાં જવાનું છે ત્યાંના હવામાનની આગાહી વિશે અપડેટ રાખો (હવામાનની એપ્લિકેશન ડાઉનલોડ કરી લો)
• વધુ પડતો સામાન પેક કરવાનું ટાળો, જરૂરી વસ્તુઓ સાથે રાખવાનું ભૂલશો નહીં
• હળવા અને સુકાવવા માટે સાદા કપડાં પેક કરો. જીન્સ અને હેવી કોટન સાથે ન રાખો.
• વરસાદમાં પલળ્યા બાદ ભીના કપડા ના પહેરવા જોઈએ.
• મુસાફરી કરતી વખતે તમારી કિંમતી વસ્તુઓ જેમ કે આઈપેડ વગેરેને પાણીથી બચાવવા માટે વોટરપ્રૂફ બેગનો ઉપયોગ કરો.
• વરસાદથી બચવા માટે છત્રી અને રેઈનકોટ જેવી જરૂરી વસ્તુઓ સાથે રાખો.
• કેમેરા અથવા સ્માર્ટફોન જેવા ગેજેટ્સને વરસાદથી બચાવવા માટે વોટરપ્રૂફ કવર રાખો.
• ચોમાસામાં આરામદાયક વોટરપ્રૂફ શૂઝ સાથે રાખવાથી ફાયદો થશે.
• ટ્રાવેલિંગ દરમિયાન લપસાય તેવા સ્લીપર ના પહેરાવા જોઈએ.
• ચોમાસામાં ખાવા-પીવામાં સાવધાની રાખો, સ્વચ્છ રેસ્ટોરન્ટમાં હંમેશા હળવો ખોરાક ખાઓ.
• સ્ટ્રીટ ફૂડ, ફાસ્ટ ફૂડ અને તળેલો ખોરાક ખાવાથી દૂર રહેવું.
• તમારી સાથે મેડિકલ કીટ રાખવાની ખાતરી કરો (કટોકટીની સ્થિતિમાં ઉપયોગી થશે)
• શરદી, ઉધરસ, ઉલ્ટી-ઝાડા, તાવની દવા, બેન્ડ-એઇડ્સ મેડિકલ કીટમાં રાખવી જોઈએ.
• હવામાન-ઈકોલોજીને ધ્યાનમાં રાખીને ડોક્ટરની સલાહ લેવી જરૂરી
• સ્પીડ ડાયલ પર ઈમરજન્સી હેલ્પલાઈન નંબર રાખો.
• જ્યારે ભારે વરસાદ હોય ત્યારે બાઇક અથવા કાર ચલાવવાનું ટાળો.
• મુસાફરી કરતા પહેલા કારના વાઇપર્સ તપાસવાની ખાતરી કરો.
• લપસણો સપાટી અથવા વળાંકો પર ધીમેથી વાહન ચલાવો.
• તમારી હેડલાઇટ ચાલુ રાખો. જેથી ભારે વરસાદ છતાં તમારી કાર દેખાઈ શકે.
• આવા હવામાનમાં પણ, ડ્રાઇવિંગ કરતા પહેલા તમારું ઇંધણ, બ્રેક્સ, ટાયર અને વાઇપર તપાસવાનું ભૂલશો નહીં.
• નદી, તળાવ, કેનાલ, ધોધ-ઝરણાં પાસે ના જવું.
• ચોમાસામાં નીચાણવાળી જગ્યાએ કેમ્પિંગ ના કરવું.
• જંગલ અને વૃક્ષો વાળા વિસ્તારમાં ઝેરી જંતુઓથી સાવધ રહો.