તે પગે પડી છોડી દેવા કરતો રહ્યો આજીજી- પણ સુરતમાં શખ્સે તેને લાકડીના ફટકાઓ માર્યા

પગ પકડીને છોડી દેવા કરતો રહ્યો આજીજી
સુરતના આમરોલી વિસ્તારમાં ફરી લુખ્ખા તત્વોનો આતંક સામે આવ્યો છે. અહીંના કોસાડ આવાસમાં એક યુવકે લાકડાના ફટકા મારીને અધમુઓ કરી દેનારા એક શખ્સનો વીડિયો વાયરલ થયો છે. આ વીડિયોમાં માર મારનારો શખ્સ અહીંનો જ હાશિમ નામનો શખ્સ હોવાનું કહેવાઈ રહ્યું છે. જોકે હજુ સત્તાવાર રીતે કોઈ વિગતો સામે આવી રહી નથી. માર મારવાનો વીડિયો સોશ્યલ મીડિયા પર ફરતો થયો છે. બનાવને લઈને લોકોમાં પણ ભારે નારાજગી જોવા મળી રહી છે. કારણ કે અહીં એક યુવકને આ શખ્સ દ્વારા કાયદા કાનૂનના લીરેલીરા ઉડાવીને છડે ચોક સજા આપવામાં આવી રહી છે. જોકે તેને આ શખ્સે કેમ માર માર્યો છે તે પણ હકીકત હજુ સુધી સામે આવી નથી. યુવક પર આ શખ્સ પહેલા તો લાકડીઓ વરસાવે છે અને બાદમાં જ્યારે યુવક તેના પગ પકડીને પોતાને છોડી દેવાની આજીજી કરતો હોય છે ત્યારે પણ તેને મુક્કાઓથી અને લાફાઓથી માર મારવામાં આવે છે.