રાજભારતી બાપુને હનીટ્રેપમાં ફસાવાયા હતા? મહંતના આપઘાત બાદ ગુરુએ કર્યો ચોંકાવનારો ઘટસ્ફોટ

આ પણ વાંચો: EXCLUSIVE: જૂનાગઢના રાજ ભારતી બાપુના મહિલાઓ સાથે ચેટના વોટ્સએપ સ્ક્રીનશોટ સામે આવ્યા

રાજભારતી બાપુના ગુરુએ શું કહ્યું?
રાજભારતી બાપુના ગુરુ અખંડઆનંદ ભારતીબાપુએ આ અંગે ચોંકાવનારો ઘટસ્ફોટ કર્યો હતો. તેમણે કહ્યું કે, ‘સોશિયલ મીડિયાના માધ્યમો અને સમાચારોમાં જે રાજભારતી બાપુ વિશે વાતો ચાલી રહી છે તે સાચી નથી. મને લાગે છે કે કોઈએ હનીટ્રેપ કરી છે અને અમારી માગણી છે કે જિલ્લા કલેક્ટર અને જિલ્લા પોલીસવડા આ અંગે યોગ્ય તપાસ કરાવીને સત્ય બહાર લાવે.’ રાજભારતી બાપુના આપઘાત બાદ બુધવારે તેમના નશ્વરદેહને ખેતલિયાદાદાના મંદિર પરિસરમાં જ તેમના બે ગુરુભાઈઓની બાજુમાં સમાધિ આપવામાં આવી હતી.

મહંતના મહિલાઓ સાથેના ચેટના સ્ક્રીનશોટ વાઈરલ થયા હતા
નોંધનીય છે કે, મહંતની આત્મહત્યા પછી જ્યોતિર્નાથ નામના એક વ્યક્તિનો પત્ર સોશિયલ મીડિયા પર ફરતો થયો હતો. જેમાં મહંત પર કેટલાક ગંભીર આરોપ લગાવાયા હતા. આ પત્રમાં મહંત રાજભારતી બાપુ પર મુસ્લિમ હોવા ઉપરાંત અન્ય મહિલાઓ સાથે અનૈતિક સંબંધો અને દારુ-માંસના શોખીન હોવાના પણ આરોપ લગાવાયા હતા. ઉપરાંત તેમના પર કરોડોની પ્રોપર્ટી એક્ઠી કર્યાના આરોપ લગાવ્યા હતા. જે બાદ તેમનું મહિલાઓ સાથેનું કથિત ચેટના સ્ક્રીનશોટ પણ સામે આવ્યા હતા.

તમારા વ્હોટ્સએપ પર વધારે સમાચારો અને બ્રેકિંગ ન્યૂઝ મેળવવા માટે ક્લિક કરો…