રચાયો ઈતિહાસ! ‘નાટૂ નાટૂ’ની ઓસ્કરમાં થઈ એન્ટ્રી, ખુશીથી ઝુમી RRR ટીમ

આ બે ડોક્યૂમેન્ટ્રી ફિલ્મોએ પણ મારી બાજી
આ સિવાય શોનક સેનની ડોક્યુમેન્ટરી ફીચર ફિલ્મ ઓલ ધેટ બ્રેથ્સ પણ ઓસ્કાર એવોર્ડ્સ 2023 માટે નોમિનેટ થઈ છે. એટલું જ નહીં, ગુનીત મોંગી દ્વારા દિગ્દર્શિત ધ એલિફન્ટ વ્હીસ્પરર્સને એક ડોક્યુમેન્ટરી શોર્ટ ફિલ્મ માટે નોમિનેટ કરવામાં આવી છે. કહેવું પડશે કે આજે ભારતીય સિનેમા માટે ખૂબ જ ગર્વની વાત છે કે દેશની ત્રણ ફિલ્મો ઓસ્કાર જીતવાની રેસમાં આવી છે. જોકે ભારત તરફથી સત્તાવાર પ્રવેશ, ‘છેલ્લો શો’ (ધ લાસ્ટ ફિલ્મ શો) ટોચના 15માં શોર્ટલિસ્ટ થઈ હતી, પણ તેણે દૂર દૂર સુધી કોઈપણ કેટેગરીમાં પણ સ્થાન મેળવ્યું ન હતું.

તાજેતરમાં, એસએસ રાજામૌલીની ફિલ્મ RRR ના ગીત ‘નાટૂ નાટૂ’ એ ગોલ્ડન ગ્લોબ 2023 એવોર્ડ જીત્યો હતો. તેને બેસ્ટ ઓરિજિનલ સોંગ કેટેગરીનો એવોર્ડ મળ્યો. તે ભારત માટે પણ ગર્વની વાત હતી. આ સમાચાર સાંભળીને ચાહકો ખૂબ જ ઉત્સાહિત હતા. બધાએ ટ્વિટર પર ટીમને અભિનંદન પાઠવ્યા. ફિલ્મની સમગ્ર સ્ટાર કાસ્ટ માટે આ ખૂબ જ ખાસ ક્ષણ હતી.

WE CREATED HISTORY!! 🇮🇳

Proud and privileged to share that #NaatuNaatu has been nominated for Best Original Song at the 95th Academy Awards. #Oscars #RRRMovie pic.twitter.com/qzWBiotjSe

— RRR Movie (@RRRMovie) January 24, 2023

RRR ટીમ ખુશ છે
ટીમે ટ્વિટર પર ‘નાટૂ નાટૂ’ની એક તસવીર શેર કરતા સમગ્ર ટીમને અભિનંદન પાઠવ્યા છે. ઓસ્કાર એવોર્ડ 2023માં નોમિનેશનને લઈને આખી ટીમ ખૂબ જ ખુશ છે. કહેવામાં આવી રહ્યું છે કે આ ફિલ્મે પોતાનામાં એક ઈતિહાસ રચ્યો છે. પહેલા ગોલ્ડન ગ્લોબ એવોર્ડ 2023 એવોર્ડ અને હવે ઓસ્કાર એવોર્ડ 2023 નોમિનેશનમાં પોતાનું સ્થાન બનાવ્યું છે.