આણંદમાં ઝડપાયું ડુપ્લીકેટ સર્ટિથી વિદેશ મોકલવાનું કૌભાંડઃ કોણ ઝડપાયું? કોની શોધખોળ?

હેતાલી શાહ.આણંદઃ ચરોતરમાંથી વિદેશ જવા માંગતા લોકો કોઈપણ ભોગે વિદેશ પહોંચવા તૈયાર હોય છે. જોકે તે માત્ર ચરોતર જ નહીં પરંતુ ગુજરાતભરમાં એવા ઘણા કિસ્સાઓ સામે આવી ચુક્યા છે જેમાં લોકોની વિદેશ જવાની ઘેલછાને કારણે ગુનાહીત માનસીકતા ધરાવતા શખ્સો અવનવા રસ્તા કાઢી લેતા હોય છે, ભલે તે કાયદેસર હોય કે ગેરકાયદે. અગાઉ પણ નડિયાદ અને આણંદમાંથી ડુપ્લીકેટ માર્કશીટનું કૌભાંડ ઝડપાયું હતું. ત્યારે ફરી એકવાર આજે આણંદ એસ ઓ જી દ્વારા ચાંગા યુનિવર્સિટી નજીકના કોમ્પલેક્ષમાં દરોડો પાડી ડુપ્લીકેટ માર્કશીટ કૌભાંડ ચલાવતા ઈસમને ઝડપી પાડવામાં આવ્યો છે. જ્યારે અન્ય બે ઈસમોની તપાસ હાથ ધરવામાં આવી છે.