7 લાખ કરોડના સરકારી ખરાબા ભાજપના મળતિયાઓના નામે ચઢી ગયાઃ પાલ આંબલિયાએ જમીન રિ-સર્વે મામલે કહ્યું

રાજ્યમાં ફરી નવેસરથી જમીનનો સર્વે કરવામાં આવશે: જમીન માપણી ક્ષતિ સુધારણા માટે પાયલોટ પ્રોજેક્ટ જિલ્લાઓ જામનગર અને દેવભૂમિકા દ્વારકામાં અગ્રતાના ધોરણે કામગીરી હાથ ધરાશે: પ્રવક્તા ઋષિકેશ પટેલ#RushikeshPatel #Gandhinagar pic.twitter.com/kGhded0Mj1

— Gujarat Tak (@GujaratTak) January 11, 2023

700 કરોડ લઈ ગયેલી કંપનીનું શું?
સરકારે એક એજન્સી પાસેથી જમીન સર્વેની કામગીરી કરાવી હતી જેના સરકારે 700 કરોડ રૂપિયા ચુકવ્યા હતા. જોકે તે રૂપિયા ચુકવ્યા પછી હવે તે કંપનીની કામગીરીને રદ્દ કરી દેવાઈ છે. સાવ થર્ડ ક્લાસ કામ કરીને ગયેલી આ કંપનીને 700 કરોડ આપી દીધા હવે તે 700 કરોડનું શું. શું સરકાર કંપની પાસેથી રિકવર કરશે? સાથે જ શું સરકાર આવી એજન્સી પર કોઈ કાર્યવાહી કરશે કે કેમ તે સહિતના પ્રશ્નો ઊભા થયા છે.

National Road Safety Week: ગોધરામાં 6 દિવસ ટ્રાફિક પોલીસ કેવી કાર્યવાહી કરશે જાણો

7 લાખ કરોડની જમીન ભાજપના મળતિયાઓ પાસે ગઈઃ આંબલિયા
આ મામલે ખેડૂત નેતા અને કોંગ્રેસના કિસાન સંઘના નેતા પાલ આંબલિયાએ કહ્યું કે, 7 વર્ષથી ગુજરાતના ખેડૂતો, સામાજિક સંગઠનો, કોંગ્રેસ સહિતનાઓ દ્વારા આ અંગે માપણી રદ્દ કરવી જોઈએ તે કહેતા હતા પણ હવે 7 વર્ષ સુધી આ ચલાવીને હવે 7 વર્ષ પછી રદ્દ કરે છે. માત્ર અહીં 700 કરોડનો જ સવાલ નથી 7 લાખ કરોડની જમીન જે સરકારી ખરાબાઓ હતા તે ક્યાંકને ક્યાંક ભાજપના મળતિયાઓએ પોતાના નામે ચઢાવી દીધા. 700 કરોડ તો આપણા અને જનતાના ટેક્સના છે. જે તો વસુલવા જ જોઈએ. આ તો પોતે સરકારે સ્વિકાર્યું છે કે આ અમે ખાનગી કંપનીઓને મદદ કરી હતી.