156 સીટ મળવા પર સુરતના જ્વેલર્સે બનાવી 156 ગ્રામની નરેન્દ્ર મોદીની પ્રતિમા, જાણો શું છે ભાવ

સંજયસિંહ રાઠોડ.સુરતઃ સુરત હીરા ઉદ્યોગ માટે વિશ્વ પ્રસિદ્ધ છે પરંતુ હવે ધીમે ધીમે સુરત જ્વેલરી મેન્યુફેક્ચરિંગ હબ પણ બની રહ્યું છે. વેલી-બેલી નામની સુરત સ્થિત જ્વેલરી મેન્યુફેક્ચરિંગ કંપનીએ ગુજરાત વિધાનસભાની ચૂંટણીમાં ભાજપને 156 બેઠકો જીતવા માટે વડાપ્રધાન નરેન્દ્ર મોદીની 156 ગ્રામની સોનાની પ્રતિમા તૈયાર કરી છે. આ પ્રતિમા બનાવવા માટે જ્વેલરી મેન્યુફેક્ચરિંગ કંપનીના 25 કર્મચારીઓએ 18 કેરેટ સોનામાંથી ત્રણ મહિનામાં વડાપ્રધાન નરેન્દ્ર મોદીની પ્રતિમા તૈયાર કરી છે.