પાટણના લોકદરબારમાં રેન્જ IG સહિતના અધિકારીઓની બોલતી બંધ કરે તેવો કિસ્સો આવ્યો સામે, જાણો શું થયું?

પાટણના રક્ષકનો દીકરો જ બન્યો ભક્ષક
પાટણના રમેશભાઈ પ્રજાપતિ કે જે ચિત્રકૂટ સોસાયટીમાં રહે છે. તેઓ સામાન્ય ધંધો-રોજગાર કરીને પોતે હેન્ડીકેપ (દિવ્યાંગ) હોવા છતાં એમનું અને એમના પરિવારનું ગુજરાન ચલાવે છે. રમેશભાઈના 18 વર્ષથી પણ નાના દીકરાએ આજથી 2 વર્ષ પહેલા 2 લાખ રૂપિયા વ્યાજે લીધા હતા અને જેનું વ્યાજ મહિને 30 % હતું . 2 વર્ષના સમય દરમિયાન અરજદારના દીકરા પાસેથી 30% વ્યાજની વસુલાતના ભાગરૂપે 7 લાખ 8 હજાર રૂપિયા આપ્યા હોવા છતાં હજુ સુધી રમેશભાઈ અને તેમના દીકરાને વ્યાજના ચક્રમાં ખુદ રક્ષકના દીકરાએ ફસાવી દીધા હોવાનું સામે આવ્યું છે.

વ્યાજખોરના પિતા પાટણ પોલીસનો હિસ્સો
આ ઘટનામમાં પ્રશાંત રબારી નામનો વ્યાજખોર છે, જે પોતે રક્ષકનો દીકરો છે અને વ્યાજખોરના પિતા પાટણ પીએસઓમાં ફરજ બજાવે છે અને વર્દીનો ધાક આપીને વર્દીધારીના દીકરા દ્વારા જ આ ખુલ્લેઆમ વ્યાજખોર માફિયાઓ ધંધો ચલાવી રહ્યા છે. રૂપિયાના આપી શકવાની વાત કરાતા રમેશભાઈ જે ખુદ હેન્ડીકેપ છે તેમના હાથ પગ ભાગી જાય તેવો ઢોર માર મારવામાં આવ્યો હતો. જેને લઈને રક્ષકના દીકરા પ્રશાંત રબારી સામે પોલીસ ફરિયાદ નોંધવામાં તો આવી પરંતુ પોલીસના સકંજામાંથી છૂટ્યા બાદ વ્યાજ માફિયા પ્રશાંતે આજદિન સુધી હેરાન કરવાનું બંધ નથી કરવામાં આવ્યું અને જેના કારણેના છૂટકે આજે ભોગ બનનાર રમેશભાઈને આઇજીના લોકદરબાર કાર્યક્રમમાં પોલીસ વિરુદ્ધ જ અરજી લઈને આવવું પડ્યું હતું. જિલ્લામાં લોકો વ્યાજખોરોથી મુક્ત થાય તેવા હેતુથી લોકદરબારમાં મુખ્ય મહેમાન તરીકે ઉપસ્થિત રહેલા રેન્જ આઇજી પણ આવો ચોંકાવનારો કિસ્સો સામે આવતા ચોંકી ગયા હતા. જે પછી ઘટના અંગે જીણવટ પૂર્વક તપાસ કરીને વ્યાજખોરને કડકમાં કડક સજા કરવામાં આવશે તેવી ખાતરી આપવામાં આવી હતી.