કોઇ રાજ્યપાલ તો કોઇ રાજ્યસભા અયોધ્યાનો ચુકાદો આપનારા જજો હાલ શું કરી રહ્યા છે?

જસ્ટિસ રંજન ગોગોઇ
જસ્ટિસ રંજન ગોગોઇ 17 નવેમ્બર, 2019 ના રોજ સુપ્રીમ કોર્ટમાંથી સીજેઆઇના પદથી રિટાયર થયા હતા. ચાર મહિના બાદ રાષ્ટ્રપતિએ તેને રાજ્યસભાના સાંસદ તરીકે પસંદગી પામ્યા હતા. તેઓ રાજ્યસભા જનારા ત્રીજા જજ હતા, જો કે રાષ્ટ્રપતિ દ્વારા પસંદ કરાયેલા જજ હતા. તેમની પહેલા 21 મા ચીફ જસ્ટિસ રંગનાથ મિશ્રા (1990-91) કોંગ્રેસે રાજ્યસભા મોકલ્યા હતા. તેઓ 1998થી 2004 સુધી ઉચ્ચ સદનમાં રહ્યા. આ અગાઉ જસ્ટિસ બહરુલ ઇસ્લામને કોંગ્રેસે 1983 માં તેમના રિટાયરમેન્ટના 5 મહિના બાદ રાજ્યસભા ખાતે મોકલ્યા હતા.

જસ્ટિસ શરદ અરવિંદ બોબડે
જસ્ટિસ શરદ અરવિંદ બોબડે 23 એપ્રીલ, 2021 ના દિવસે સીજેઆઇના પદ પરથી રિટાયર્ડ થયા હતા. તેમણે રંજન ગોગોઇનું સ્થાન લીધું. જસ્ટિસ બોબડે 8 વર્ષ સુપ્રીમ કોર્ટમાં જજ રહ્યા. જો કે રિટાયરમેન્ટ બાદ જસ્ટિસ બોબડેએ કોઇ અધિકારીક જાહેર પદ નથી સંભાળ્યું. તેઓ મહારાષ્ટ્ર નેશનલ લો યુનિવર્સિટી નાગપુરના ચાન્સેલર છે.

જસ્ટિસ ડીવાઇ ચંદ્રચુડ
જસ્ટિસ ડીવાઇ ચંદ્રચુડ ભારતના હાલના સીજેઆઇ છે. તેમણે નવેમ્બર 2022 ભારતના 50 મા જસ્ટિસ તરીકે શપથ લીધી. તેઓ ભારતના સૌથી લાંબો સમય સુધી ચીફ જસ્ટિસ રહેનારા વાઇ.વી ચંદ્રચુડના પુત્ર છે.

જસ્ટિસ અશોક ભુષણ
જસ્ટિસ અશોક ભુષણ જુલાઇ 2021 માં રિટાયર્ડ થયા. ચાર મહિના બાદ નવેમ્બરમાં તેમણે નેશનલ કંપની લો અપીલીય ટ્રીબ્યૂનલ (NCLAT) ના ચેર પર્સન બનાવવામાં આવ્યા. તેમનો કાર્યકાળ ચાર વર્ષ માટેનો છે. તેની પહેલા આ પદ પર 20 મહિના સુધી ખાલી રહ્યું હતું. કેબિનેટની એપોઇન્ટમેન્ટ કમિટીએ ઓક્ટોબર 2021 માં તેમની નિયુક્તિને મંજુરી આપી હતી.

જસ્ટિસ અબ્દુલ નઝીર
જસ્ટિસ અબ્દુલ નઝીર સુપ્રીમ કોર્ટથી જાન્યુઆરી 2023 માં રિટાયર્ડ થયા. એક મહિના બાદ તેમને આંધ્રપ્રદેશના રાજ્યપાલ બનાવાયા છે. તેઓ અયોધ્યા મુદ્દે ચુકાદો આપનારા 5 જજોમાંથી એકમાત્ર મુસ્લિમ હતા. એટલું જ નહી અબ્દુલ નઝીર નોટબંધીને પડકાર આપનારી અરજી અંગે ચુકાદો આપનારા જજોની બેંચમાં હતા.